ضحية غفله @dhy_ghflh

عضوة نشيطة

اذا سريعة في اتخاذ قراراتك واسيني ..

مساء الخير حبيباتي مثل ماهو واضح العنوان مشكلتي يمكن بسيطة بس متعبتني انا سريعة في اتخاذ قراراتي جدا جدا اي موضوع او مشكلة ماافكر اكبرها الزواج استخرت وماحسيت بشئ ووافقت مع ان وقتها عمري 18 والعمر قدامي مافكرت بالمسؤلية اللي راح القاها ولا الحياه الجديدة اللي ماادري اتاقلم فيها او لا وحتى دراستي ماافكر دخلت تخصص اسم اني دخلت كلية عشان خاطر ابوي وامي وزوجي .. حتى لو اروح سوق او محل ابغى منة شئ اول حاجة القاها قدامي اخذها ماافكر بالجودة ولا السعر .. انصحوني من مثلي وكيف اتغير .. تحياتي :44:

519

يلزم عليك تسجيل الدخول أولًا لكتابة تعليق.

تسجيل دخول

om nadorey • 14 سنة

الله يعين يااختي
بس الحياة راح تعلمك كل شي

ياكثر مااسرع في قراراتي
بس الحين علمتني الحياة احسب الف حساب قبل لا انطق بشي او اتخذ قرار

حاولي اذا بتاخذي قرار تهدي شوي وتجلسي وتفكري الف مره ولا تصدرينه الا بعد يومين حتى لو موافقه عليه

والله يهدينا الى مافيه خير وصلاح

خالة سيف • 14 سنة

عندي لك نصيحة....اذا رحتي مكان وعجبك شي
اطلعي ولا تاخذينه....
بالتدريج والاصرار انك تفكرين قبل القدوم علي شي
بتتحسن حالتك بس لا تيأسين ....واقري عن علاج
اللي مثل حالتك وطبقيه غالبا الحلول اللي يكتبونها
تكون ناجحة....

@الحمدلله@ • 14 سنة

لاتندمي على شيء أنتهى يالغلا ..القررات اللي فاتت أنتهت ..

فكري بالقادم ..وسوي لنفسك خطه تمشين عليها ..

على سبيل المثال قبل تروحين السوق ..اكتبي أحتياجاتك كامله بورقة ..مش بنفس اليوم لأ ..خل نقول قبلها بإسبوع مثلآ ..

مبدئيآ جمعي كل إجتياجتك ..وبعدها أعملي لهم فرز ..الأهم ثم المهم ..

بتصير عندك قائمة مصغره تتماشى مع قدرتك الماديه ..لهذا الشهر ..والمزاينه المحدد للصرف ..

وبقية القائمة إحتفظي فيها للأشهر القادمه ..

بعدها أبحثى عن أماكن توفر الأغراض المطلوبه والمجمعات التجارية أو المحلات اللي ممكن توفر لك القائمة المطلوبه ..

بعدها دققي في كل منتج أنتِ محتاجته ..وركزي في بحثك عن أفضل الأنواع ..وأجودها ....وأسعاره ..وعيوبها ومميزاتها ...وأفضل الشركات أو الماركات..وعندك الأنترنت يختصر لك الوقت والجهد ..

وخلي الورقة عندك ..وكل بعد مده راجعي الورقة وشوفي أيش إستجد عليك ..وغيري وعدلي ..لحد مايجي يوم روحتك للسوق ..

بحيث إذا نزلتي السوق ماتتوهين أبدآ ولايتشتت ذهنك ..ولاتصرفين فلوسك الا على أفضل الأشياء ..

ساعتها أظمن لك بإذن الله ماراح تتصرفين بعشوائية ابدآ ..

لأنك راح تلاقين نتائج رائعه ..تدفعك للإستمرار ..وهذا الشعور الممتع راح يكون دافع لك لإعادة التجربه كل مره..

وهذا الأمر قيسي عليه كل أمورك وقراراتك في الحياه ..

أيضآ في دوره جميله جدآ سبق قدمتها عضو الشرف ( مرج الزهور ) في قسم الحياه الإجتماعيه ..عن كيفية إتخاذ القرار ..

مميزه ..أنصحك بقرائتها ..:)

دورة: 10 دقائق 10 شهور 10 سنوات / المحاضرات فقط بدون ردود