اذا شفتي زوجك متضايق من وضيفته وش تسوين له؟ تعباآانه يارب افرجها

السلام عليكم

انا زوجي متوضف وضيفة عادية مب قد شهادته وراتبه ثلاث آلاف
وبداية زواجنا عادي ومقتنع
انا مرات اقتنع ومرات اقول انا انحرمت من اشياء كثيرة مراعاة لضروفه
اقل شي الملابس وربي مراعيته حتى ملابس شتا ماشريت للحين لان يادوب يكفي اشياء الشقه
واهو ماعمره قال هالشيء وماعمره فضفض لي بالعكس احسه مقتنع ودايم يقول الراتب يكفينا والحمدلله
مع ان اقول بنفسي انا ناقصني لبس ومطاعم وتمشيات ومجمعات
بس وربي ساكته مابي احرجه ولأني عارفه حالته وراضيه فيه والحمدلله اقتنعت

المهم بعد هالفترة
حملت وزادت مصاريف المستشفيات وتحاليل وسونارو....الخ

وكل مرة نراجع المستوصف مراجعات الحمل احسه يتضايق
انا ادري ان يتضايق عشان المصاريف ومعاه حق بصراحه يسحبون سحب في الفلوس ومامعانا تأمين طبي. !
انا بعدها حسيت انه دايما متضايق وساكت وحزين
اقوله شفيك يقول مافيني شي. ..

قبل يومين فضفض لي وقال انا مب عاجبني الوضع توي احس الحمل والولادة ومصاريف البيبي بتاخذ كل راتبي ابي وضيفه غييرها

وراح دور وسأل ولاقى وضيفه راتبها خمس آلاف بس للأسف ماقبلوه
وخلاص تعب مافي وضايفة

انا سكت ماعرفت وش اقول لان احس كلامه صحيح
تخيلو هالشهر الي راح ولامره تمشينا وتعشينا بره لان في أول الشهر خسرنا عشان مراجعة المستشفى لان كان معي التهابات حاده ولازم اراجع

المهم احس طقت كبدي كل يوم يجي متضايق وينام مايتكلم معي حتى لدرجة العلاقة مايقربني!
انا بنت ولي رغباتي اتكشخ واتمكيج واحس يجامل يقول صايرة حلوة ،،،والخ
بس مايصير شي!

بنات معقولة الوضيفه تأثر فيه لدرجة ينسى العلاقه؟؟
لان قبل كان طاير فيني وماكان كذا

وعندي سؤال ثاني اذا شفتي زوجك متضايق من وضيفته وش تقولين له؟؟
انا احس ودي ابكي وبس مابي اقول شي :(
لانه يكسر خاطري احس مسكين مابيده شي. ...