اذا صارو سلفاتك ضراير كيف تتصرفي

الأسرة والمجتمع

السلام عليكم ورحمة اللهوبركاته
اخواتي انا محتراه وزوجي محتااااااار معاااااااي جدا
هذا اخو زوجي تزوج قبل سنتين على زوجته وانا متزوجه من خمس سنوات
علاقتي بزوجاته الثنتين رسمممممممميه جدا نتقابل عند عمتي بس لاتلفونات ولارسايل ولاشي وانا مرتاحه والحمدلله وبعيده عن المشاكل اللي صار انه عمتي الله يشفيها تعبت قبل شهر وصار وتقابلنا كذا مره مع زوجته الثانيه وزوجته الاولى اخذت رقمي عشان تتطمن على عمتي
اخو زوجي جا مدينتنا عشان امه كذا مره مع زوجته الثانيه وعزمتها ببيتي وتداخلت معاه طيبه وعاقله واخذت رقمي وصرنا نتواصل بالواتس بس ماسولفنا في اي شي خاص ابدا
زوجته الاولى مررررررررره طفشتني بالرسايل والا سئله ياااااااااااااما صرت اطنشها وما ارد عليها ولا ابغى اكلمها بس هي كل شوي ترسل وتجلس تسال مين عندكم وزوجي جا عندكم ومين معاه وانا ارد عليها اقلها مااااااادري انا حامل ومااعرف اي شي يدور حولي في الكون خخخخخ وانا من جد ماابغى شي يطلع مني ولا كلمه وصارت ترسللي تقول زوجي وزوجته عندكم اقلها انا بخرج بعدين ارد عليك
زوجي يقول باين بتحقد عليك وشكلها بتدبر لك كذبه وتلزقها فيك قلت انا فكرت اقلها انك انت مو راضي اتواصل مع احد قال لا مالي دخل لاتدخليني طيب وش اسوي صار باااااين مرررره اني اتهرب منها ومن اسئلتها وخايفه تسوي لي مشكله مع ام زوجي وتنقل كلام عني ماقلته تسويها يمكن والله
شيرو علي انا فكرت احذف الواتس اب مالاحظتم انه مايجيب الا البلاوي والمصايب والاشاعات وكنا مرتاحين قبله بس حمواتي اخوات زوجي مررره مبسوطه معاهمم واسولف معاهم فيه واخواتي كمان ووفر علي مصاريف كثيره كنت ادفعها للجوال
وش رايكم جيبو لي طريقه اخبرها اني مااحب احد يااخذ اخبار مني بس بطريقه مؤدبه لاني مابغى اجرحها فاهمه شعورها وغيرتها بس ماابغى تصير لها مشاكل مع زوجها وانا السبب والكلام طلع من عندي
12
2K

يلزم عليك تسجيل الدخول أولًا لكتابة تعليق.

تسجيل دخول

سويره2
سويره2
ماشاء الله عليكى من كلامك مبين عليكى عاقلة ورزينه الله يثبتك
ان شالله البنات يفدونك
المعلمه صباح
المعلمه صباح
ادا سالتك غيري الموضوع لحد ما تطفش
متجر ضي القمر
متجر ضي القمر
حبيبتي قولي لها رجاء حبيبتي لاتدخليني فيكم واي سؤال تقدري تسالي زوجكم لاتحرجيني معكم
الاميره ميار
الاميره ميار
انه هذا اللي انا اسويه اغير الموضوع واو ماارد اصلا واغلب شي ماارد بس زوجي قال باين حقدت عليك ويمكن تكذبب على لسانك وتقول فلانه قالت
كيف اخليها ماعاد ترسل تسالني عن شي فكرت اقلها انا بغير رقمي لاترسلي على هذا الرقم واعمل لها حظر وش رايكم هي راح تكتشف الكذبه بس بعد فتره مو الحين يمكن شهرين الى ثلاثه رح تكتشف
بنت شيخ الجبل
بنت شيخ الجبل
وعليكم السلام ورحمة الله وبركاته
بالنسبه للواتس اب تقدرين تسوين لها حظر....وبعدين فيه برنامج احسن واستر اظن اسمه شات اون
واما سلفاتك فخليك رسميه مع الثنتين اسلم وابعد عن المشاكل لان 2يمكن تفاخر عند1انها كسبتك صديقه...ولاتقلين لها شئ واستمري في التصريفات زي :لاتسئليني عنها مدري....ايش دراني عنها...وغيري الموضوع بسرعه هذا في حال قدرت تتواصل معك....وحاااااااافظي على الاذكار وخليك طيبه مع الجميع وفكرة تتعذرين بزوجك حلوه مره حاولي فيه كثيرواذاعرف الفايده راح يوافق ..والله يوفقك