زوجى مع الجديدة فى بيتى (سابقا)
سوى تعديلات على البيت بحيث لى مدخل خاص بس يجمعنا مطبخ وصاله كبيرة نجلس فيها وقت المناسبات والعزايم
يعنى لكل وحدة مجلسها الخاص بس يالله يلمنى وعيالى وقت غدا او عشى ومطبخ على النظام الأمريكى بس للوجبات الخفيفة يعنى صعبه اطبخ فيه لانه مفتوح

والله ما ادري شاقول لك ..
بس من حقك يكون لك مطبخ خاص ما تشاركك به زوجته الثانية .. و يكون لك مدخل خاص بحيث لا ترينها ايضا ..

طيب و انت يا غرابيل .. متقبلة الوضع ؟ ما عليك مني أو من غيري .. انت كيف نفسيتك و تقبلك للموضوع ؟
وكيف زوجك معك .. هل تحسينه للحين يحبك وشاريك ؟
و كيف كان لقائك الأخير مع زوجته .. هل تحسينها انسانه تخاف ربها ؟

احس ان التفكير ان زوجي ممكن يتزوج يقتلني
جعلي اموت قبل الساااااااااااااااااااااااااااااعه هذي
وبالنسبه لتفعيل الرسائل ما تتفعل الا للي مشاركاتهم اكثر من اربعين

اخت ياسمينة النفسيه تحت الصفر بس الله موجود والمنتدى خفف من القلق والهم اللى فينى انا اخت ياسمينه قلت ساعات نومى بس عشان اكون فى المنتدى واقرا بهالمواضيع اللى تحسسنى انى الحمدالله بخير

زوجى فعلا تغير باسلوبه معاى اخر مرة لما قعدت مع زوجته قدامها حب راسى وقال لى انت الكبيرة وانت صاحبت البيت واللى يزعلك يزعلنى واللى يغلط فى حقك راح امسكه الباب وزوجته الثانيه تسمع وقالت لو فلان يبى الثالثه ما راح ازعل فزوجك ذهب لا تفرطين فيه طبعا هيه اصغر منى وتنصحنى (!)

لقائى الأخير خلانى فعلا اشفق عليها لانها انسانه ضعيفه ومكسورت الخاطر
صحيح تلبس وتكشخ بس فيه شئ يخلينى احس انها فعلا مسكينه

طالما كانت تصلى فانشاء الله تكون تخاف ربها
واين كانت فزوجى من النوع القاسى مع النساء عموما فما راح تطلع معاه بشى ولا تقدر تغيرطبعه

والله يا أختي كلامه يطمئن .. و ان شاء الله حس بقيمتك اكثر بعد زواجه ..

كل هذا ما أقصد فيه اقلل من قيمة نفسيتك التعبانة .. الغيرة و الألم يظلون موجودين بوجود امرأة اخرى في حياة الزوج ..

شوفي أختي .. طالما هو وهي شاريينك .. ليش ما تجربين ( مجرد تجربة ) ... روحي وعيشي هناك .. واذا ما تحملت .. اطلعي انتي وعيالك ورجعي بيت أهلك ..

انا من رايي كل انسان تجربته تختلف عن الآخر .. يمكن ضرتك تكون احسن مما تتوقعين .. ويمكن اسوأ ... اول شي استخيري و بعدين فكري في موضوع العودة .. ولو اني اشوف الأفضل تطلبين لك مطبخ خاص منفصل .. عشان تكونين ماخذة راحتك تماما ...