اذا ضاق صدرك او كنتي مهمومه او احد ظلمك »»» وش تسوين؟؟؟

بسم الله الرحمن الرحيم
السلام عليكم ورحمة الله وبركاته
كيف الحال؟
بدخل بالموضوع دغري كلنا تقريبا تمر علينا أوقات عصيبه من هم وغم ونكد وظلم عيني عينك وتتفاوت من شديده الى بسيطه الله يبعدها عنا قولو آمين واحنا سبحان الله مافينا صبر على طول بكي وحزن وعصبيه وطقاق وهوشه وسب وفلانه تدعي على فلانه صح ولا لأ؟
على بالنا كذا بناخذ حقنا ولا بنبرد على قلوبنا بلعكس كذا بنزيد الطين بله بتكبر المشكله وفي ناس تستسلم ودها تنتحر عشانها ملت من الحياة الي عايشتها ومن المشاكل الي تعايشها
طيب بدال هذا كله ليش ماتلجئين لرب العالمين هل عندك شك في قدرة ربي انه مارح ينصرك او يبسطك او يريحك؟ أكيد لا
على العموم انا واثقه انكن ماشاء الله عندكن الحلول الي تبرد وتريح القلب عشان كذا بسألكم اذا طحتي بمشكله وش تسوين؟
ياليت تجاوبون عشان كلنا نستفيد