والله هالشي صاير لي حتى وانا بالكليه استغرب من كلام البنات لدرجة وحده قالت لي تخبين علينا انك مخطوبه ! قلت وليش اخبي والله مو مخطوبه قالت والله سمعت انك مخطوبه ..ولا اللي يقول دلوعات ومرفهات ولا اللي يقول ماتبغى تتزوج!! وربي شي انقال بس ربي فيه .....
بااختصار روحو اخطبو عند اهل البنت واذا طلعت صدق مخطوبه عادي ماصار شي .. ...

ياكثر الحسااد...واللي يقهرك انه يطلع من اقرب الناس لك...انا طلعو عني اشاعه اني مختطوبه لولد عمي وانا في ثاني متوسط بزر ماعرف الامور ..وهم مطلعين عني وكل مايجي احد بيخطبني وانا في الثانوي تقولهم عمتي اخت ابوي لا مخطوبه لولد عمها من يوم انها في المتوسط..زوانشرت الكلام الله لايسامحها..يسالون الحريم امي يحسبونها تخبي وماتبي تعلم..وامي تحلف انه ما صار وسالت امي من مطلع الكلام قالو ام فلان عمت البنت.كانت تبيهم يخطبون بنتها...بس الحمدلله ..الله رد كيدها في نحرها ..

الله المستعان . احيان ام البنت هي الي تخرب على بنتها بأسلوبها وطريقتها بالكلام والتعامل مع ام الخاطب..وكثير صارت

المفروض المفروض تبين تخطبين لخوك لولدك روحي لام البنت او البنت نفسها ماله داعي ادخل فلانه وعلانه

منجد وربي صادقه اسئلو البنت نفسها او امها

الاقارب عقارب اغلبهم ومايحبون الخير لبعض

ياكثر القصص اللي صارت بس الحمد لله ربي كشفهم