اذا عزمنا نسوي شي دايم يفشل او تصير مشاكل

السلام عليكم كيف الحال
احنا مشكلتنا اذا حبينا نسوي شي تشوفونا نبدأ ونتجهز وفي النهاية ما يصير ذا الشي او يصير وتكون فيه مشاكل مثلا
عندي اخو يبي يتزوج ومكلمنا صار له خمس سنوات او اكثر وللحين ما لقينا له زوجة مع اننا نبحث ونسوي وفي النهاية لا في زواج ولا عرس ولا شي واخوي يفتح الموضوع واحنا نقول ما لقينا صار عمره فوق الثلاثين
خالي مطلق وقال حق خالاتي يدورون له وامي كلمتنا ندور له يعني تخيلوا امي وخالاتي واحنا ندور وفعلا دورنا ولا لقينا شي وخالي لحد الحين قاعد
مثلا عزمنا نغير جو ونروح شاليه منتجع واذا رحنا هناك تصير مشاكل ونقول ليتنا قعدنا في البيت
او قلنا نبي نسافر ذي الاجازة وفعلا نسافر لكن تكون مشاكل من واحنا في الطيارة او تبدا المشاكل اذا وصلنا بكم يوم ونقول ليتنا قاعدين في البيت احسن
مثلا واحد من قرايبنا تشافى من مرض وكان منوم في المستشفى ايام ويوم تشافى نقول نبي نسوي عزيمة بمناسبة شفاءه واذا سويناها تصير مشاكل يا إما البزران يتهاوشون وامهاتهم يتدخلون وتكبر المشكلة يا امي تتهاوش مع الخدم وابوي يدخل في الموضوع وتكبر المشكلة وتشوفون الخدم يصارخون واشوي ويموتون يإما واحدة من المعازيم تغتاب واحدة مب موجودة وذي الي مب موجودة يوثل لها الكلام وتقاطعنا وتقول ذول ناس ما يستاهلون يعزمون العالم عشان يغتابون بس
احيانا نبي نتجول داخل المملكة وواحد من اخواني يرفض الروحة لانه يبي يقعد هنا عشان يطلع مع اصحابه ابوي يسوي مشاكل وليه تبي تقعد وش بيقول الناس عليك قاعد لحاله واهله مسافرين ووووو
هذا غالب حياتنا ذا النمط ليه كذا اذا عزمنا على شي ما يصير او اذا سويناه وصار تصير مشاكل لا اول لها ولا اخر