رووووووووووووووعه ماشاء الله..


كملي وياليت تذكرين التوزيعات والتقديمات..

بالنسبه لزفه العروس الثانيه طفوا الانوار وسلطوا اضواء الكشاف الملونه على البوابه واشتغلت الموسيقى على زفه عسكريه (زي السلام الملكي) لما جاء وقت الزوامير طلعت عارضتان لابسات عسكري لبس شرطه برتقالي البنطلون والجاكيت ابيض وقبعه الشرطه على روسهن لونها برتقالي وكان معهن كل وحده زامور وقفن بأول الممر كل وحده بجهه وحطن الزوامير بفمهن كنهن هن اللي يزمرن بس كذا والموسيقى شغاله زوامير وبالوقفه متقابلات وبعدين تغيرت الموسيقى وطلت العروس وكان في يدها القناع اللي زي النضارهووفيه حديده تنمسك باليد اشوفه بالحفلات التنكريه بس الاعين طالعه واختها الصغيره واقفه في ربع الممر ومعها مخده بعدين اشتغلت موسيقى اجنبيه يقولون انها موسيقه هتلر كانت صاخبه والوان الليزر الملونه على العروس تشويق للناس بعد ماخلصت الاغنيه هذي طلعت موسيقى عربيه هاديه روعه خيال وتقدمت اخت العروس الصغيره لابسه فستان عروس بالمخده لما وصلت للعروس ونزلت العروس القناع على المخده وراحت البنت الصغيره(على فكره هذا كله وللحين العروس بمكانها بأول الممر) ومشت العروس خطوتين وتغيرت الموسيقى دويتو كانت بين كذا فنان أحلام وانغام ومطربين يتحاورون بجمال العروسه يحقلهم لان العروس كانت ايه بالجمال ومشت العروسه بعد كذا على موسيقى التايتنك لما وصلت للكوشه وسلامتكم(ملاحظه ماني مسؤله عن أي أغنيه تسوونها بموسيقى تقدرون تخلونها ايقاعات اللهم بلغت اللهم فاشهد)مع ان الزفه كلها نص ساعه بس الناس ماحست بالوقت وعلى فكره العروس ماكان معها مسكه والناس ماعلقت عالموضوع لانها ابهرت الحضور وبالنسبه لفستانها من دبي مفصلته وشرعتها مسويتها الطرحه الفرنسيه اللي مربوطه على جنب بصراحه كنها اميره بدون مبالغه......
ابغى ردودكم عالزفه وترقبوا طله فنانه الحفل بصراحه شي خطيييييييييييييييييييير وفكره مو عالبال ولا عالخاطر

حبيبتي كل التوزيعات صياني ملبسه بقماش النمر وحمار الوحش ويختلف تصميماتهن عن بعض وفيهن مجسمات حيوانات حاطين فيهن فطاير وكبه وسمبوسه ومحاشي كل الانواع وسلامتك

بالنسبه للشبكه فيه فكره حلوة وغريبه في ملكه وهي بالترته الجاتوه تكون على شكل مستطيل أو مربع وكبيره وطبقه واحده وتكون مزخرفه الاطراف بس وفاضيه مع الوسط
بعدين يجي العريس ويكتب عليها بعصار الكيك "والله وتحقق منايا شوفوا(اسم العروسه)معايا"
وفيه حركه انه بعد مايدخل العريس ماتكون العريس موجوده بعدين تشتغل الاغنيه صدفه او اي شي وتدخلين انت عليه بس انتبهي مو كل الرجال تتقبل الحركه مانبي نزعل احد بالملكه حتى ابو العريس اذا مايتقبلها لاتسوينها كمان لاتنسين الهدايا لكل عائله العريس امه وابوه وخواته فقط هم اهم شي اكسبي قلوبهم من اول مره هديه الاب والام خليها غاليه شوي والباقي ساعات مولازم مكلفه وخلي وحده من خواتك بجنبك كل ماتسلم وحده من خواته تعطيكي هديتها لانك مرتبكه وتابعي الموضوع

ماقلتولي وش رايكم بالزفات