يمه ... الغربة وفرقاك ملتمه ******* دمعة العين هذي ... مالها داعي

يابعد راسي انتي ليه مهتمه************الوجع لي سواة الناي للراعي

آخر أخباري ... الذمه هي الذمه********والوصايا هذيك تقدي شراعي

مابه الا السواد يحاود اليمه******ولا به الا البياض اللي ورا أضلاعي

وأشعل ما يفارق ليل حضن امه******وأخضر كل صبح من أول أتباعي

يتعب البرق ما أتعب النظر يمه*********وانشديهن بعد ما قلت أطماعي

أنجبن لي عـــروسة حلم أضـــمه******أو بعد توها تشرب عطش قاعي

واذكري كيف كان العود ابو عمه*******ايتعلى صهيله وأرخي أسماعي

امنياتي بــدرب ودي أتمــــه********آخره صعب .. وأصعب منه مرجاعي

يوم كلن فزع له خـاله وعـمه***********يكفي اني وردت العد .. بذراعي

أرفع الراس بين الروس ما همه********وأتباهى وأنا الغرقان بأوجاعي

يمه.. الحر طبعه يعشق الـقمة**********وأنتي اللي فطمتيني على أطباعي

الهواء دام راسي حي ويــشمه**********والله اني لاسـوق هنـاك ذعـذاعي

غربة تلوي ذراع أشجع الخمه************لا تخافينها لو تقـلب أوضــاعي

يمكن تبعثر الرجـال وتـلمـه***************بس !! بدري عليها تلوي ذراعي

بشاير
حلالك التوقيع وصاحبته ياعيوني
والله يرزقك بر منصور يارب


بنت ادم
جزاك الله خير


كلمات تهز المشاعر وتدمي المدامع
فعلا امنياتي بدرب ودي اتمه اخره صعب واصعب منه مرجاعي
:06::06::06:
ابدعتي يابنت ادم وفقك الله

احم احم بسم الله والصلاة على رسول الله ...

انا ..
انا ....
انا ......

ما ادري والله ايش جايبني هنا .. يعني انا مو متغربه .. لكن على وش غربه ..

وعجبني العنوان جدا لانه في نفسي كلام كثيييييييييير ودي ارسله شخص عزيز جدا جدا ..
اللي هو زوجي ابو ولدي اللي في بطني واللي راح يطلع على الدنيا ان شاءالله بدون ما يشوف بابا ( مؤقتا من غير شر ) والسبب تغربه قبل اسبوع في استراليا :06:

<<< معليش وحده معاها اكتئاب حمل شدييييييييد
*****

زوجي الحبيب ..
كلمات بسيطه ما تعبر الا عن بعض مشاعري ..

وش هالكون بعدك ..
علمني وش يكون ؟؟
وش هي الدنيا بدونك غير صمت وسكون ؟
الصبح شاحب ..
والليل تملاه الظنون ..
والزوايا موحشه فاقده قلب حنون ..
عادي كل هالناس عندي يروحون او يجون ..
الا انت يا عمري روحتك ..( ما تهون )

***
ودمتم لأحبابكم

حرم الدكتور والثلج المتساقط وصغيره وبشاير وام عمورى المزيون وبنت ادم اشكركم جميعا على المرور والكلمات الصادقه المعبره اسأل الله العلى القدير ان يجمعنا باحبابنا عاجلا غير آجل يارب العالمين...........
ندى الورد اتمنى من الله ان يهون عليك وتقومين بالسلامه ويجمعك بزوجك.....:27: :26:

السلام عليكم

تسلمون يا بنات..

و حفاظاً على الحقوق الأدبية.. ترى القصيدة لناصر القحطاني.. :11:

ندى الورد .. يا هلا فيك.. و الله يسّهل عليك.. و على زوجك .. يا رب..