ولدك بسم الله عليه الله لا يضره ما شاء الله فاهم اي مبادئ بتعلمينه اكثر من علمه فيما يتعلق بها الموضوع ؟ لو هو لا سمح الله والله لا يقوله سرق ذيك الساعة دوري حل عشان توصلين له المعلومة بشكل اكبر وَيَا رب انه الله يهديه اما انك تتهاوشين معها عشان حركات بزران ؟ وبعدين بخصوص انك تبين تدافعين عنه يعني اذا رفعتي اغراضه هذا مو اسمه دفاع عنه ؟ وكيف تقولين انك ما تبين المشاكل ومع ذلك يوم قلت لك الحل قلتي ابي اتناقش معها عشان وعشان ؟

الكذب والسرقه اكيد له اسبابه

وللاسف اذا الام تشوف ولدها يدخل البيت ومعه العاب واغراض ماتعرف مصدرها وساكته وراضيه وش تبين ولدها يطلع ؟

اذا قررتي تكلمين امه خذيها من ناحية حسن نيه

اذا ولدك جاب لعبته او الشاحن وانتوا في بيتهم قولي لأمه مباشره هذا غرض ولدي كلمني انه لقاه عندكم وبياخذه متعود عليه ويدوره ، ويافلانه شكل ولدك نساه بجيبه واخذه بيتكم .

وعلى فكره تصرفك في هذا الموقف بيتعلم منه ولدك عشان كذا الافضل ماتسكتين عن السرقه وينطبع في تفكير ولدك انه شي عادي

والاطفال فيهم جهل ماجاو للدنيا متعلمين يعني عادي يعجبهم لعبه او اي حاجه ياخذونها وبعضهم الام قبل تطلع تشوف بيده لعبه وتسحبها منه وتتركه يبكي ويزعل على الاقل تعلمه الصح والغلط ماتتركه يسرق ببرود

اقري موضوعك مره ثانيه وركزي على ولدك وشوفي ايش يقول ورفع الأغراض بيفهم ولدك انه حركة الولد غلط لانه هو انحرم من الي عند ولدك عشان تصرفه

ارسلي لها ان وادتك تسلف من ولدي الاغراض الفلانيه واللحين صك روسنا يبيها وقولي جهزيها ابوه بيمركم ي خذها


يمكن ولدها قايل لها هم اعطوني اياها الاطفال م ينعرف لهم
واذا جاك مرا ثانيه فتشيه قبل م يخرج

بداية انتي غلطانه يوم ولدك يجيب الالعاب ويقلك شوفيها وانتي متاكده انها حقته
وتغالطينه وتقوليله عنده زيهم وتخلينه يرجعها للولد وهي حقته
المفروض تقولين شكله اخذها يلعب فيها لانها عجبته ونسي يرجعها
وكملتي وقلتيله هيا خذها ووديها البيت او جيبها عشان لاننساها واحنا رايحين وتزعجني تدورها
وفهمي امه ان ولدك له ايام يدور عليها ويقول ان ولدك كان يلعب فيهابس قلت لو معاه بيرجعها




وبامكانك تسترجعي الالعاب والشاحن عن طريق ولدك مدام شافهم عنده وعارفهم خلاص
تخلينه يجيبهم واذا اعترضوا قولي حقته ولدك شايلهم ومارجعهم وبس ليش المداراه اللي مالها معنى


الان انتي ورغبتك حابه تسترجعيهم شوفي طريقه واسترجعيهم لا تستهبلين ولدك وتغالطينه وهو متاكد
وتخلينه ياخذ انطباع انك ماتصدقينه ويبطل يقول اللي بنفسه


او فهمي ولدك انه انتي عارفه ان كلامه صح بس ماتبغين المشاكل معاهم
وانه لازم يكون حذر بعد كذا وينتبه لكل اشياؤه ويقفل عليهم لو جاء عندهم هالولد
خلوه يجي مايلاقي شيئ حتى يتسلى فيه ويطفش واذا طلب اي لعبه يلعبون فيها خليهم يقولوله
ماما تخاصمنا مانقدر نطلعهم


وبامكانك اذا جاء عندكم تجمعينهم وتحكين لهم قصه عن السرقه وعن عقوبة السارق
وانه لازم اذا اخذ شيئ يرجعه حتى ربنا يسامحه وانه فيه ناس مو قصدها تسرق يكون عاجبها الشي
بس المفروض يرحعونه لانه يعتبر سرقه بس هم مايدرون وحتى مايصيرون حراميه اذا كبروا
والناس يكرهونهم وان اللي يرجع الشي اللي اخذه يحبونه الناس وربنا يسامحه ومن هالتاليفات
وبكذا تكوني كسبتي اجر توعيته واجر رد الالعاب والشاحن ههههههههههه