صدقيني اختي انا رأيي بعد مثل الاخوات اللي قالوا لك لاتتركين بيتك ولاتدخلين احد بمشاكلكم خصوصا اذا كانت مشاكل عاديه يعني ماتستلزم احد يتدخل

وتذكري دوم

لو كل وحده قال لها زوجي اتركي البيت او روحي لاهلك او انا مابيك ومن هالحكي وهو معصب او وهو زعلان تركت البيت وراحت لاهلها كان والله ماعمرت لاحد بيت ولا عاشت وحده مع زوجها اكثر من شهور :)

الصبر والصبر .

والدعاء اختي ..

الله يسعدنا جميعا

اشكركم خواتي على ردودكم السريع لي
والله يسعدكم انشاء في الدارين ......
لكن يااخوات مو بس هالمره قالها لي هاذي ثاني مره يقولي اذا كان عندك كرامه روحي لبيت اهلك
وغيرها قالي روحي لبيت اهلك يااخوات مااعتقد انه عيب لمن الوحده تقول لزوجها اجلس معاي وسولف وياي انا اكون طفشانه لوحدي مع انه احاول اشغل نفسي لكن بدون فايده وهو بصراحه 24 ساعه عند اهله ولا برا البيت ولا على النت يلعب بلوت والله انا تعبت اجلس اقوله لكن بدون فايده
واللي يقهر بصراحه انا من الطفش اروح لبيت ام زوجي وهي بنفس السكن اللي انا فيه علشان استانس وللاسف مالاقي الا الكلام الشين منهم وبس الحق ينقال لهم وقفات معي زينه لكن الشي الزين لهم يروح بسبب تعاملهم واسلوبهم معاي وام زوجي تحب سلفتي موت لأنها كل شوي تجيب لها الهدايا وانا من وين لي اتمنى اقدم لها هديه وحده بس لكن الله يسامح زوجي .
وتسوي لها كل شي مع انه انا والله طيبه معاهم وكل اللي عندي اعطيهم ولو قالوا لي كلمه تضايقني اسكت واتحمل ولا اقول شي ومن يوم ماجيت هالبيت عمري ماسمعت كلمه زينه وزوجي مع انه حالته الماديه تمام لكن والله مايعطيني فلس واحد تخيلوا وقت يكون عنده دوام اروح لاهلي تدرون كم يعطيني (10) ريال هذا بصراحه مصروف اطفال مو مصروف وحده متزوجه وهم من الناس اللي كل يوم بلبس ولا تكشخين كل يوم وانا الحمدالله يارب بس اللي يرزقني انشاء الله وحتى مرات يحطني زوجي بمواقف يخلي اهله يطالعون لي نظره مو حلوه
على العموم ماابي اطول عليكم يااخوات وانا الان اكلمك من بيت اهلي
ومشكورين :24:

حبيبتي dina2004

اتمنى لج اختي حياة سعيدة واللي ابي

اقولة لج ان الواحد لازم يراجع روحه

يمكن يكون السبب منه يعني جوفي إذا كنتي

مقصرة معاة في شي, واهم شي انج تختارين الوقت

اللي يناسب زوجك حتى تكلمينه وتتناقشين معاه

في الموضوع يمكن انتي تكلمينه وهو يكون مو مستعد

وناقشية بالهداوه بدون اي انفعال

واهم شي اختي الصراحة بين الزوجين يعني قولي له

خلنا نكون صريحين مع بعض خليه يصارح لج وفتحي قلبج

له لما يتكلم وقولي له موعيب اذا قعد الزوج مع زوجته

وسهر معاها وكلمها

والله يوفقج اختي مع زوجك

ونصيحة لج مهما صار بينك وبين زوجك او شنو يقول لج
لا تتركينه وتروحين بيت اهلج

لاتتركين بيتك اسمعي كلام الاخت تبوله كلامها بصراحه درر