اذا قالي سافري معنا تجيني ضيقة صدر

السلام عليكم
الموضوع عن سفر زوجي انسان عاشق للسفر نسافر كثير الحمدالله
الوحدي ومع اهله الموضوع هو اهله اذا قالي بسافر مع اهلي تعالي
معنا تجيني ضيقة صدر مابي اروح مايخالف يروح هو معه اهله
بسلامته
بس انا مااستانس ولا ارتاح ولا شي
تعرفون ابو زوجي له نظام خاص بالسفر ماينطبق علينا
وانا ملزومه اطبق النظام هذا ولا بيكون عيب
وطبيعي بكون معاهم بكل شي لاني مسافره معهم
وزياده بصراحه اخواتي مافيها اي وناسه ورب الكعبه ضيقة خلق واحسب الساعات متى نرد بيتنا
وزوجي صارله سنتين وهو مرافق الاهله بالسفر ودايم يقترح عليهم ناخذهم معنا وانا امشيها واقول اوكي على اجر واروح معاهم بس بالنهاية مليت طفشت
قبل سلفتي مثلي كان زوجها هو يسفر اهل زوجي بعدين صارت ماتروح بس هو يروح الوحده معاهم
وبعض الاحيان تخلي بنتها تروح مع ابوها
تقول كذا اريح لي
انا فكرت اطبق فكرتها زوجي يروح مع اهله الوحده وانا اروح عند اهلي
اريح لي يومين وماارتبط معهم بكل سفره
بس زوجي لاحظت انه تضايق وقلتله انا ماقصرت رحت مع اهلك سفرات كثير
خلاص ترى مو ظروري كل مافكرت تمشيهم اكون موجوده انت تبي تروح وتمشي اهلك حقك وعلى عيني وراسي بس انا مو لازم اروح معكم
عاد كتم وزعل وحسيته تضايق
وانا يابنات مافيني حيل اضغط على نفسي واروح
اخر مره سافرت في اجازة الحج اسبوع وكمان في الاجازه الطويله رحت معاهم
احس صار ذهابي شي اساسي معهم وانا مافيني اجامل :(