عروبـــــه

عروبـــــه @aarobh_1

محررة برونزية

اذا قراتي مشكله ماهو موقفك في حياتك الخاصه؟؟؟

الأسرة والمجتمع

اهلين وسهلين بنور العين


وش اخباركم يابنوتات ياحلوات

؟؟
عندي لكم موضوع استفسار ونقاش

الان وبسبب كثرة المشاكل في المنتدى
الزوجيه غالبا


ماهو موقفك انتي؟؟؟؟
من ذلك؟؟


يعني
<<<<<<<بدت الشرح

اذا قريتي مشكله هنا في الاسريه او في الاجتماعيه
وش موقفك
هل تأثر عليك
او تتأثرين بها
سواء على زوجك او ابنائك

يعني لما تقرينها ماتقولين لايكووووووووووووووووووووون زوجي كذا
من مشاكل هاليومين اللي تصير والزوجه غافله

ماتجلسين بعد المشكله تفكرين في حياتك
وهل انتي تمرين بالشئ هذا وانتي ماتدرين؟؟
فتكتشفين انك مغفله ويبدأ الشيطاااااااان يلعب عليك
يالخبله قومي شوفي رجلتس وينه وين رايح له ومع من ؟ وش يسوي
و.......و..........و,,,,,,,,,,
روحي فتشي جواله بتلقين فيه شئ رهيب يسد نفسك رقم والا مقطع
والا .................
يمكن اصلا عنده جوال ثاني دوريييييييييييه فتشي عليه
تراه حاطه في المكان الفلاني

ويالله من هالحكي اللي تحسين به انك في عالم ثاني

وفجأه تنتبهين لنفسك
وتقولين
خير ياأم الشباب روقي المنقا وردي على صاحبة الموضوع بلافلسفه



وبعده بفتره يصير ضايق صدرك
او شئ من هالقبيل
<<<<<<<<<<<<<<<حساسه الاخت

انا تصير معي احيانا
حتى زوجي يقول لي انتي بتأثر عليك هالمشاكل اللي تشوفينها
ترا الناس مو زي بعض

لان ختني فتره بدأت ثقتي تتزعز في زوجي والسبب بلاوي هالزمن اعوذ بالله

بس
اذا تعمقت في التفكير القى نفسي غلطانه

لكن
من جهه ثانيه
بعض المشاكل اللي اشوفها نبهتني لاشياء غافله عنها او كنت اسويها ومقتنعه بصحتها
واشوفها شئ عادي مومهم


انتي وش وجهة نظرك وموقفك من الموضوع
هل تأثر عليك سواء سلبا او ايجابا
وان كان سلبا هل يستمر ام لا



ماهي الاسباب في نظرك؟؟؟
في انتظار آرائكم.......




همسه
ياويل اللي ماترد :30: :icon28: :icon33: :icon28: :30: :

هذي ترويع ميب همسه :D
49
3K

يلزم عليك تسجيل الدخول أولًا لكتابة تعليق.

تسجيل دخول

الواثقة من نفسها
على حسب العشرة وشخصية الزوجة ياعروبة ,,,في بداية الحياة الزوجية بتمرسنوات
عجاف ...صعب شخصين يعرفون بعض بيوم وليلة...لكن مع الوقت
كلآ بيتعرف على الثاني ومهما كان المرأة ....تتعامل مع المشاكل
سواء المحيطة بها او مشاكل تقرأها أو تسمع عنها...
بطبيعتها ....المرأة النكدية ....ماتصدق تسمع خبر مزعج حتى تبدأ
سلسلة التنكيد
المرأة .....الذكية تعرف زوجها من نظرة من كلمة ....
يعني سواء قرأت مشكلة أو لم تقرأ لن تؤثر أبدآ
الشــــــــــاهد أن الاجابة على حسب شخصيتة الزوجة....



أنتبهي من هذي النقطة لاتتكرر ....النارتأتي من مستصغرالشرر
عروبـــــه
عروبـــــه
معقوله انتي ماتتأثرين بالمشكله اللي تقرينها نهائيا
حتى ايجابا

؟؟
واذا كان للبنت صاحبة المشكله معزه عنك او حتى اخت ماتعرفينها ماتتعاطفين معها وتشغلك لو قليلا

؟؟
شخصية الزوجه لها دور اكيد
والظروف اللي تمر فيها ايـــــضا


فعلا النقطه الاخيره
اثرت فيني كثير والسبب الغربه والظروف اللي اعيشها
فهنا نشوف النساء بجميع الاشكال والاحوال
طبعا والحياء معدوم
وانا لغتي لك عليها لذلك زوجي هو المتحدث حتى في الامور الخاصه بي
مثلا في المحلات او المستشفى
وتجي الحرمه تتكلم وتضحك بكل جرأه لو ماكان هناك مجال
وكان ايضاكثرة المشاكل اللي من هالنوع ولدت عندي غيره انثويه طبيعيه
لكن تناقشت مع ابو الشباب وانتهى الموضوع
ولله الحمد


اشكر لك مرورك
ورايك........
zOOna
zOOna
انا عن نفسي مو متزوجه، لكن مرات لما أقرا كذا مشكله ورا بعض، ابتدي اتعب لدرجة اني أسكر النت أو أنتقل لقسم ثاني بدون ما أكمل قرايه

ومرات لما أكون رايقه وأكمل قراية المشكله أو انها تكون المشكله الوحيده اللي قريتها في ذاك اليوم، أبتدي أتذكر مشاكلي وأقول الحمدلله حالي أحسن من غيري

صارت مره أو مرتين اني أتم أفكر في المشكله حتى بعد ما أسكر الكمبيوتر، وتبقى المشكله أو صاحبة المشكله في بالي وأفكر في أمرها لفتره من الوقت.. واحاول ارجع لموضوعها وأتابع القصه

في كل الأحوال أدعي لصاحبة المشكله بان الله يفرج همها ويصبرها

وتسلمين على الموضوع.... وايد حلو :)
butshi
butshi
اهلين حياتي الله يسعدك بجد بجد عجبني الموضوع حيل واسلوبك احلى وانا اتفق معاك وياما يحصل لي مشاكل بسبب تاثير اي عامل خارجي علي وودي اتعلم من اخطائي بس الشيطان حريص الله المستعان على الحياة 0000وشكرا لك ع الموضوع الحلو
عاشقة الصداقة
عاااااااادي عروبة ..
قبل لااسجل وانا متاكدة ان البيوت اسرار ..
وان الدنيا مليانه مشاكل قصص مروعة ..
واول مايخطر على بالي يوم اقرأ مشكلة ..
اني الحمد لله بنعمة وراحة بال .. الله يديمها ..
وعلى قول اختي الواثقة .. المراة ادرا بزوجها ..