والله عانيت وشفت الامرين من فرق السن بالسنوات الاولى من الزواج كنت في وادي وهو في وادي ...كنت طايشه ..يمكن لأني صغيره ..لكن الحين حمدت الله اني بينتي وبينه فرق ..

صار باين اني اصغر منه بكثير..<< فرحانه بعمري ..

هو الأفضل إن الزوج يكون أكبر من زوجته.
إحساس الزوجه بإنها الأصغر يهيئها لإنها تدلل عليه شوي ..بس لو العكس أظن لا
وبعدين لو فكرنا إن بعد كم سنه الأزواج بيتمون محتفظين بشكلهم الصغير..لكن الزوجات وايد منهم بعد الحمل والتعب والولاده..يبين عليهم الكبر مثل ماقالوا الخوات
بس الأهم التوافق بينهم.

انا اقول الأفضل يكون عمر الزوجه متقارب من عمر الزوج
عشان يكونون متفاهمين
يعني مثلا
الزوج اللي اكبر من زوجته بعشر او 9 سنين ماراح يفهمها او مثلا اعطيكم مثال اقرب اهيه تبي تطلع وتروح بس اهو لا راح يكون اغلب الوقت ماله خلق يطلع او تعبان تكون اهيه في أوج نشاطها بس اهو لا نشاطه اقل منها

بس اذا كان الزوج اكبر منها بسنتين او سنه يكون نشاطهم متساوي لهم خلق طلعات وروحات ويكون طريقة تفكيرهم متشابها
هذا رايي انا
الحمدلله انا زوجي اكبر مني بسنه بس
الحمدلله متفاهمين وانشالله ييكون جذي على طول يارب ومايغيره علي :26:

السلام عليكم

الاخت صاحبه الموضوع سبقتني في كتابه الموضوع :26:
اصحيح كلام الأخوات ان فارق السن بين الزوجه وزجها ممكن ان يتسبب في تعب بعضهم او الملل مثل الطلعه والاسواق والروحات والجيات :29:




انا اشوف الوالد والوالده ( الله يحفظهم ) الفرق بينهم 7 سنوات ودائماً صراخ وهواش لأتفه الاسباب :( يعنى لا اتفاق ابداً



الفرق البسيط في العمر رائع لشعور الزوجين بتفهم كل منها للأخر :32:

السلام عليكم
موضوع حلو جدا
انا وزجي بنفس العمر بس هو اكبر بـ 39 يوم وكنا انا وهو بنفس الصف بالابتدائيه وبعدين من كبرنا صار النصيب وانا احب ان يكون الزوجين بنفس العمر لانهم يكونون اصدقاء وافكارهم متقاربه
من ناحية الشكل
انا انجبت طفلين فقط والحمد لله وانا اكره المكياج جدا ونادرا ما اضعه ولوقت قليل لهذا فان بشرتي محافظه على نظارتها والحمد لله وكذلك هذه صفه وراثيه في عائلتنا انه ما يبان علينا الكبر بعكس زوجي المسكين اللي صار عنده تجاعيد وبعده شاب , لهذا كل من يرانا يعتقد انه اكبر بـ 4 الى 5 سنوات :27:
والسلام