السلام عليكم و رحمة الله و بركاته ..

أختي شابورة :) ..
أول شي ألف ألف ألف مبروك ..
الله يتمم لك على خير يارب ..
و يقومك بالسلامة إن شاء الله :) ..
و يمكن هادي أول مرة أرد عليكي في موضوعك ..
بس يعلم الله إني حبيتك و حاستك بنت ناس و أمورة :) ..
و تحبي الخير للناس و إن شاء الله ربنا يعطيكي على قد نيتك ..
الله يجعله في ميزان حسناتك إن شاء الله :) ..

و موضوعك قهرني بس خليني أروح أكتبلك الرد
و أرجعلك تاني :) ..


تحياتي ..
جــــــــداويــــــــــــة

بصراحه واسمحيليلي ياشابورة بطلع عن الموضوع شوي

يعني شفت فيه بنات ردووواااااااا وهم مقهورين لانهم حسوها امهم لكن في نفس الوقت

نسوا انهم كتبوا مواضيع بالهبل عن اممهات ازواجهم


شفتم كيف تتضايقون من مرت اخوكم عشان امكم وناسين انكم انتم بعد زوجات ابن لأم مسكينه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

انتبهوا لهالشئ يابنات انتبهوااااااااااااااااا والمقصود مو انتي ياشابورة لا تزعلين مني



اما الموضوع مااقول الا الله يعينها ويصبر قلبها

السلام عليكم و رحمة الله و بركاته ..

شوفي يا شابورة ..
شكلها مرت أخوكي هادي زي مرت أخويا الكبير ..
حسبي الله ونعم الوكيل فيها ..
و يكون في علمك أنا أصغر أخواني ..
و أخويا أكبر مني بـ 16 سنة !!
يعني يمكن وضعنا متشابه كتير :) ..
ولو أحكيكي على بعض الأشياء إللي سوتها
مرت أخويا و إللي بتسويها .. والله تشوفي كيف القواية
والقهر و خباثة الحريم واللعانة على أصولها :03: !!

بالنسبة لموضوعكم ..

أول شي ..
أمك فوق الراس قدرها عالي و محشومة ..
ولا تكلمها ولا تنزل نفسها لمرت أخوكي ..
ولا تروح لبيت أهلها ولا شي ..
خليها في بيتها معززة مكرمة ..
( مادام مرت أخوكي كدابة و مفترية تستاهل إللي يجيها ) ..
ولا حتى تتدخل في الصلح بينهم !!

تاني شي ..
أخوكي غلطان إنه عاطيها وجه !!
ومخليها تتمادى ( زي إللي عندنا ) ..
و مو قادر يلمها و يوقفها عند حدها ..

تالت شي ..
إن ما رجعت بيتها بنفسها ..
زي ما سابته بنفسها ..
الله لا يردها !!

و هي إللي ترجع و تعتذر لأمك ..
مو ترجع و تتعنتر و تشوف نفسها !!
( خصوصا إذا أمك إللي رجعتها .. حترجع
نافشة ريشها و تقول يااااشر و حتتنمرد زيادة :30: ) !!

و أخوكي ألزم ما عليه أمك ..
و عياله يزوروها .. وما يقطعها لا هو ولا عياله ..
ومرته حريقة عليها إذا هي شرانية و راعية مشاكل ..


و إنتي دحلسي أمك و أقنعيها تجيكي كندا بحجة الولادة :) ..
و أجلسي أتبكبكي لها في التليفون و قوليلها أنا تعبانة
و قرفانة وبأتوحم ومدري أيش عشان ترضى تجيكي ..
و لمن تجيكي أمسكي فيها و خليها تجلس عندك قد ما تقدري ..
و بكدة تغير جو و تجلس معاكي ومع عيالك و تنبسط ..
و تبعد عن العقربة إللي قاعدتلها هناك !!
خصوصا دحين الدنيا برد و التلج عندكم حلو :) ..


و تبغيني أزيدك شوق ؟؟
عالأقل أخوكي بيقول جوزوني ؟؟
أنا أخويا مو شايف في الدنيا غيرها !!
و يكدّب ماما و يكدّبنا إحنا عشانها :angry2: ..
( وهي إللي مفترية و قايلة له كدب و تبلي !! )
حسبي الله و نعم الوكيل فيها ..
و يجي يتضارب معانا عشانها !!
و دحين آخر مصيبة سوتها في رمضان و أتمشكلت معايا
أنا .. حسبي الله ونعم الوكيل فيها الله يقطعها
و يفتح قلبه و ينور بصيرته عليها بنت الذين .......... !!
و شوفيه مقاطعنا كلنا دحين عشان وجهها وجه القرف !!
و مو طايق لنا كلمة بسببها !!
وهي قصدها تفرق بيننا و تكرهه فينا ..
و كدابة و فتانة ومنافقة و مفترية ومتبلية وخبيثة
و حسودية و حقودة وخرابة بيوت وفيها كل مصايب العالم ..
حسبي الله ونعم الوكيل فيها !!
و أمها مشهورة بفلانة ( الــســّـحارة ) !!!!
وإحنا متأكدين 99.9% إنها ساحرته و متهبب في حياته !!
لأنه تصرفاته مو تصرفات واحد طبيعي أبدا أبدا أبدا ..
معمي بصره و بصيرته بشكل مو طبيعي !!

آآآآآآآآه يا قلبي :( .. أيش أقول و أيش أخلي يا شابورة ..
حسبي الله ونعم الوكيل فيهم حريم الأخوان هدولا !!

بس إنتي لا تزعلي نفسك ولا تنقهري ..
عشان البيبي :) ..
و زي ماقلت لك دحلسي أمك و حاولي معاها ..

و أخوكي إذا الكلام معاه زي النفخ في قربة مخروقة
أخصريه هو التاني !!
وخلي كلامك مع أمك و أجلسي كلميها و أتصلي عليها ..
و أدعيلها كتير ..
و خلي أخوانك التانيين يزوروها ..
و شوفي مين الطيب من أخوانك و أخواتك التانيين و كلميهم
وقوليلهم روحو زورو ماما و خففو عنها و خرجوها و مشوها ..
عالأقل حتى لو يروحو يزوروها و يجلسو عندها في البيت ..
و يخلو عيالهم يتنطنطو حوالينها و يطفشوها :) ..

و دحين إنتو على وجه عطلة الكريسماس و راس السنة ..
ما تقدري تجي السعودية لو حتى أسبوع تقعدي معاها ؟؟
يمكن تقدري تقنعيها ترجع معاكي على كندا ؟؟

الله يكفيكم و يكفينا شر حريم الأخوان إللي كدة ..
حسبي الله و نعم الوكيل فيهم ..


تحياتي ..
جــــــــداويــــــــــــة

الف مبروووك ياشابوووورة والله فرحت لك كثييييييييييييييييييييير ....
الله يتمملك ان شاء الله ويرزقك الذرية الصالحة
والله يكون بعون الوالدة ان شاء الله ....
انا من رايي تجييك تغير جو افضل وامسكي فيها ... او اذا قدرت تجيي بعطلة الكريسماس
معليش حابة اسالك ياشابورة بعد اذنك
الوالدة ما عندها بنات غيرك؟؟ اقصد تروح لهم ييجوها ..
سوري ع اللقافة

اهلين شابورة مبروك الله يتمم لك على خير
اصرف شي مع هالاشكال التطنيش وعدم التعبير والاحترام يعني اعتبروها مو موجودة ولاتعطونها اعتبار ابدا اخسروها واحقروها
هي تحس بتصرفها هذا انها مهمة ........
اختي دوري طمنينا عنك نغزني قلبي ان شالله خير