علبة شاني
وهذا اللي بيصير .. مشكورة ياقلبي .. على فكرة ماوصلني شيئ ..

وين الشاني :mad: ؟؟

الواثقة من نفسها
والله العظيم مو علشانه اخوي .. لكن هو ماخللى شيئ ماساواه .. يابنات الحرمة كل شوي

تروووح بيت ابوها وهو يطنشها وهي بعدين ترد البيت بروحها وهالمرة هي موجودة عند

اهلها من شعبان الماضي !!!!!

موراضي يروحلها .. وكل ماترجع تحصل نفس المشاكل ..

حاول يادبها مامنها فايدة .. لا كلام حلو , لا طق , لا هجر .. مافيه فايده عمل كل حاجه

من دول ..

وهو يبغا يتزوج ثانية يقول لامي ابجيب وحدة تقدرك وامي حالفه عليه

كريمة الطبع
مشكورة ياقلبي .. مقدمتك كثيييييييير عجبتني :27:

اما عن انها تفضل مدى الدهر الظاهر ان بيسير الموضوع ..لان اخوي موراضيلها ترجع

الله يستر علينا ..

تقوى الله
زي ماقلت لواثقة .. اخوووي تعب معاها .. وصارلها الحين من شعبان وهي في بيت ابوها

مو راضي لها تعتب باب البيت .. مشكورة يالغلا على مشاركتك :27: ..

الباب المفتوح
مشكورة ياقلبي الله يبارك فيكي ..

اعجبتني عبارة قلتيها .......هي ماحشمت زوجها تبينها تحشم أمه!!!!!)والله صادقة .. كلمنا اخونا كثييييير وخواتي حاولو بدل المرة الف .. الموضوع معقد

ماادري بنت الحلال وش تبي ؟؟ الله يهديها ويصلحها :( ..

هلا وغلا باحلى شابورة ..... ياربي والله انا استغرب من بعض الحريم كيف تعامل ام زوجها معاملة شينة وهي تعرف ان الدنيا دوارة يعني يمكن يجيها زوجات عيالها يرمونها في دار العجزه او ما يزورونها <<<<<<<<< والله انا تحمست كثير لاني انقهر من نوعية هذي الحريم سبحان الله اجل لو ساكنة معها في البيت وش تسوي ؟؟؟؟ ما اقول الا حسبي الله ونعم الوكيل عليها وعلى اشكالها .........
انا اشوف الحل انو اخوك يكلما يقولها بهذي العبارة بتكونين حرمة عاقلة تحترم امي لان هذا من احترامي حياك الله ..... بتكونين على هبالك ماني ناقصك مهابيل اهم ماعلي امي .......... وبتشوفون اذا هي وحدة والله شاريته وتبيه بتتنازل وبتكون حرمه عاقلة <<<< اسمحيلي بس رفعت ضغطي مرت اخوك>>>> آآآآآآآآسفه على الاطالة..........

الانيقة
حبيبتي صارلهم 10 سنوات وهي تغضب وتروح لاهلها ترجع بيتها وتوعد زوجها

بان امه امها ومن ذا الكلام .. ماتمر فترة صغييييييرة وبديت المشاكل ورجعت لهلها مرة ثانية

<<<< موضوعها معقد بس شسوي مالي غيركم بعد الله اشكيله :(

خلاص اذا كان الموضوع كذا انا اقول الله يسهل عليها انتي تعرفي احنا متزوجات وكيف نتنازل عن اشياء كثير عشان نحافظ على بيوتنا لكن هي واضح انها مو مستعدة تسوي اي شي صدقيني ماهي خسارة وامك لايضيق صدرها ولا شي ويقولها اخوك لو بتتادب كان من زمان بس ما فيها رجا وراح تقتنع انو يتزوج عليها عشان تسعد اخوك والله المستعان على هذه الاشكال.....

السلام عليكم و رحمة الله و بركاته ..

شابورة يا قمر ..
الله يسعدك و يتمم لك على خير ياااااااارب ..
والله إني حبيتك في الله :) ..
ومن زمان كنت أبغا أرسل لك رسالة خاصة ..
أبغاكي في هرجة :) ..
بس ما سار نصيب ..
و بعدها لقيتك الشر برة و بعيد تعبانة ومدري أيشبك :( ..
و بعدها الحمدلله أتعافيتي .. الله يجعلها حكاية و تتنسي ..
وتعيشي وتحكي عيالك إن شاء الله :) ..


المهم ..
تعالي نأسس الجمعية ..
و أول ناس نفرشهم مرت أخويا و مرت أخوكي ..
:23: .. :30: ..
وخليهم يتكسرو البعدا .. الله لا يردهم ..
حسبي الله و نعم الوكيل فيهم ..
عساهم الكساح و البلا ..
الله يبتليهم زي ما يبسوو فينا ..
حسبي الله و نعم الوكيل فيهم ..

ومرت أخوكي خليها تسير مخلل عند أهلها ..
طنشوها ولا أحد يجري وراها ولا يرجعها ..
و مادام هادا طبعها .. خليها زي ماراحت ..
هي ترجع .. و إن ما رجعت .. الله لا يردها !!

و إن رجعت أو تبغا ترجع ..
ترجع بشروط .. و تنقال لأبوها و أخوانها و أهلها !!
عشان يشهدو عليها و على عمايلها ..
عشان لو رجعت و سوتها تاني مرة ..
تستحمل إللي يجيها ..
و هديك الساعة أهلها ما راح يسكتو لها !!
هادا إذا ما رجعوها بيتها هم بنفسهم وطردوها من بيتهم !!
و إنتو كدة عداكم العيب !!

و أحمدو ربكم إنه أخوكي يبغا يتجوز ..
يعني لساعه طيب و يبغا رضا أمه و حاسس
إنه مرته ظالمة وماتخاف الله ..
مو زي إللي عندنا .. معمي يا شابورة ..
معمممممممممممممممي !! قههههههههر !!
و ظالمنا إحنا و أمه و أبوه و ماخد الغضب
والسخط كله عشانها !!
تخيلي !!
والله إننا نحزن عليه .. وفي نفس الوقت
قلبنا مليان عليه .. محنا عارفين أيش نسوي
معاه ..
و الحيوانة إللي عنده ( معليش سامحوني :( ) كل مالها
تتنمرد و تتنمرد و تتنمرد .. ومافي شي يردها ..
حسبي الله و نعم الوكيل فيها ..
تخيلي سوت رباطية من حريم العيلة و قلبتهم كلهم
علينا وعلى أمي !! و هادي أمي يا مربيتهم يا مربية
أزواجهم !! وفضايلها مغرقتهم هم و بزورتهم ..
تخيلي القهر !!

والمشكلة أمي تخاف على أخويا لأنه جاله
الضغط والكوليسترول من مرته ( عمره في التلاتينات !! ) ..
و ماما خايفة عليه تقول لا تزعلوه لا يسير فيه شي تاني !!
و مرته مفهمته هو والناس وتقول له أمه السبب في مرضه !!
حسبي الله ونعم الوكيل فيها !!
و بابا يقول خليها بكرة يكبرو عيالها و تشوف فيهم !!

طيب ليش محد يتصرف !!
ليش محد يردها !!
محد فيهم راضي ياخد قرار و يهددها و يلزمها أدبها
لأنها شرانية .. و أخويا ما يستحمل بعدها !!
و تسوي له شر .. وهو يحقد علينا زيادة .. و يمرض !!
تخيلي !!!!
آآآآآآآآآآآآآآآآآآآآآآآآه ه ه ه ه ه ه ه ه ه ه
يــــا قـــــــــهــــــــــــــــــــــــــــري :30: ..

أقولك أمشي نسوي الجمعية ..
و نشوف كمان مين يتضامن معانا ..
وكل وحدة تروح تفرش مرت أخو التانية ..
( عشان نبعد عن الشبهات .. تفكير CIA و FBI :23: ) ..

بس أنا شخصيا أبغا أكتر وحدة عانت من مرت أخوها هي إللي
تروح و تفرش مرت أخويا .. عشان تكون مرة حااااااااااااااااقدة
و تفرشها بذمة .. ما تبقي فيها عظمة سليمة البعيدة !!

و إذا على عيالهم .. إحنا نربيهم ..
عالأقل ينشأو نشأة صالحة بإذن الله ..
و يتربو على الأخلاق و إحترام الكبار و تقديرهم ..
مو زي التربية العفنة إللي بيتربوها دحين !!


يلا يلا مين ينضم معانا ؟؟
ولا أيش رأيك يا شابورة :) ؟؟


تحياتي ..
جــــــــداويـــــــــــــة