اذا كان الشخص ماهو من عائلة امه

مساء الخير. دائم اشوف في بعض المجتمعات عاده مو زينه وهي اذا كان الشخص ليس من عائلة امه. يعاملونه خواله على انه غريب ودائم يسمونه ولد الفلان هم صح يحبونه ويحترمونه بس بيضل غريب عنهم عكس ولد الولد حتى لو ولد عم جد ابوهم الي يقربلهم من بعيد بس انه يحمل اسم العايله بسمونه ولدنا او بنتنا انا صراحه انتقد الي يسوون كذا حتى لو مزح اذكر مره كان زواج بنت خالي وانا رحت وجت بنت خالتي والكل حظر وجايين ناس يقربون للوالده من بعيد بس من عائلتها وتقول بنت خالتي وهي معصبه تقول ليش يعاملوني كذا كني من دوله ثانيه يتشكرون مني لاني جيت ليش هو مو زواج بنت خالي وانا بنت عمتها وانا اقرب لها منكم ويقولون الله يجزاك خير الي جيتي لم عرسنا قلت حتى انا يوم رقصت جلسو يتشكرون مني وفي بيت خالي اذا ساعدت بشي او قدمت او عملت شي جلسو البعيدين من العايله يشكروني ويقولون تعبناك وما ادري ايش لاني بنظرهم غريبه حتى بعض الحريم الكبار الله يهديهن تكون معها احفادها تقول لعيال البنت عيال الناس او عيال الفلان وعيال ولدها عيالنا وايضاً ما فيه اي غيره على بنت البنت لو تسوي غلط لا سمح الله ×××××××× عادي عندهم وشعليهم منها لانها بنت الناس لكن لو وحده تقربلهم من بعيد بس تحمل اسم العائله يهتمون فيها ويغارون عليها ويقولون هذي عرضنا وشعر وجيهنا انا من وجهت نظري انتقد هذي الحزازيات والمعاملات وبشده حتى لو كانت مزح. ما ادري ليش. يمكن لاني يوم كنت صغيره كنت افتكر اني مقسومه نصين نص من العائله الفلانيه والنصف الثاني من العائله الثانيه يعني عائلة امي وابوي بس انصدمت يوم صرت اسمع كلمت بنتنا وولدنا وبنت الناس وولد الناس