يعني جايه تتشمتي فيه هههههههههه
والله ماكنت اسوي شي الى افرفر مثل الدجاجه واصايح وابكي
ومايفكني لين يعرف انى معد فيني حيل افتح فمي بصراحه كنت هبلا خايفه يخرب بيتي وافارق عيالي وجلس اسبوع اسبوعين ما اروح لهلى ولا استقبل اخوانى عشان مايشوفون اثار الجريمه البشعه
حتى الكسر كسرنى واذني فقعها وعيوني طمشها يعني اختك معاقه بسبب مال الكسر
وذا احد ساني وش ذا فيكي اطلع اعذار
وتفكرين احترم ذا كله لا بل بلعكس زاد نذاله وشراسه وقال في نفسه ذى حماره ماينفع فيها الى الهبد والبد وبعد سنين مريره وعاهات عديده وجروح لن تندمل
صار عندي كرامه وانا في بيت اهلى

كل شئ الا الضرب احسه اهانه للحرمه

كله الا الضرب الله لايقوله ومهما يكون لايمكن اني اقبل بهذا الشي

مفروض البنت ماتسكت نهائياً
لما تنهان وتضرب من قبل الزوج
هذه مسألة كرامة
ماتسمح له ولو بمزحة
انا كنت مرتبطة بشخص الله يستر علي وعليه
صبرت على ظلمه وكثير من هفواته
سنوات
مع اني طيبة وعفوية ومتسامحة لأبعد حد وهذه مشكلة ما احبها عندي
لكن
اول مرة يتعدى علي بالضرب الجسدي اتذكر رديت له الضرب بضرب وماكنت افكر اي تفكير غير انه ما ممكن يهيني ويتطاول علي
وبعدها قررت وبقوة انفصل عنه قبل مايتمادى اكثر

والحمد لله ربي وفقني باللي افضل منه
ومع زوجي الحالي
ما اسمح حتى بمزحة لفظية رغم ثقتي انه يحترمني ويقدرني لأبعد حد
لكن
لازم اضع حدود للتعامل معي مش فقط بالفعل انما باللفظ
والحمد لله نفذ واحترم رغبتي وكبرت بنظره

احنا مسؤولات عن تمادي الزوج علينا
مفروض مانسمح له يتمادى حتى لو بالبسيط
لأنه راح يتعود ويتقوى اكثر علينا بالمستقبل

اعتذر للإطالة..

سلامي..

موضوعك حساس جداً ..
بالنسبة لي الحمدلله مامريت بهالتجربه وإن شاء الله ماراح أمر فيها
لكن وجهة نظري اللي لن أغيرها هي إن اللي تنضرب تستاهل الضرب !!!!!
كييييييف .. يعني لو انضربت وسكتت للرجال أكيد انو بيتمادا ويعيدها مرتين وأكثر
لكن المرأة اللي عندها كرامة وعقلها كبير ماتسمح لأي كان يمد يده عليها لو كان مزح
طيب كيف تتصرف ؟؟
أنا عن نفسي لو لاقدر الله انضربت من زوجي >> الله لايقوله
راح أرد له الصاع صاعين ولا تجي وحده وتقول ماأقدر عليه لأنه رجال وأقوى مني .. المرأة عندها أسلحه وهو عنده نقاط ضعف استغليها .. حتى لو مارديتها بنفس الوقت والله لاردها بوقت ثاني المهم ماأنسى حقي ،، حتى لو انقلب البيت لحلبة مصارعه .. لأن الحياة مع واحد نذل لا تطاق ولييييش أعيش في عذاااب طول عمري .. وأكره ماعلي اللي يقولون للي تنضرب اصبري يمكن يتعدل !!! طيب يمكن مايتعدل ويسبب لي عاهه عندها تفتكرون أحد بيقول له اصبر عليها .. لا وألف لا طبعاً
والشي الثاني لا زم توقفه عند حده وتبلغ أهلها وتجلس عندهم لما يرجع يعتذر لها ويتعهد مايمد يده عليها مره ثانيه ..

والله ياخواتي الغاليات مادمر الحريم وجاب لهم الأمراض النفسية إلا الضعف والسكوت والصبر اللي ماله داعي .. الله أعطى المرأة حقها وحفظ لها كرامتها من فوق سبع سماوات يجي واحد يدوسها ويهينها .. لييييش ؟؟
ومن يهن يسهل الهوان عليه
مالجرح بميت إيلام

فاللي ماتحترم نفسها لا تتوقع يحترمها أحد
واللي تهين كرامتها بسكوتها وتحملها لا تتوقع أحد بيرفعها
واللي تتنازل عن حقوقها لشخص مايستاهل لا تتوقع انه بيعطيها شي .. إلا بياخذ منها كل شي ثم يتركها بعد ما دمر كل شي فيها

والرجال بداله ألف ..

ودمتم سالمين