أهلين بنات حواء:

مبروك اللوك الجديد ،، وردي ياوردي ،،بس تدرون يبغى لنا شويه علشان نتعود عليه ،، يعطيكم العافية يارب ...
معليش كان عندي ضيوف أمس ما قدرت أكتب شيء ،،،،

نرجع لموضوعنا وصلنا للنوع الخامس:

ـ اذا كان زوجك بيوتي و يحب أنه يقعد مع عياله و يلعب معهم ،، فأنت لازم تفرحين لهالشيء و تحاولين انك تداخلين معهم بحيث انه يشعر بأعجابك بالي يسويه ،، و خليك دايما معهم على الخط يعني سوي جلسات عائلية غير جلسات الاكل ،، يعني بعد العصر سوي شاى و قهوة و معها كيكة و حلا ،، و أجلسو مع بعض ،، أوقات المذاكرة خليه يساعدك يعنى يسمع على هذا و يشرح لهذا ،،، سوي مسابقات خفيفة أشتركوا فيه كلكم .. خليه دايما يشوفك مع عيالك ضحك و سعة صدر راح ينبسط مرةةة لان هذا النوع عنده عياله بالدرجة الاولى ،، و كثر من عبارات المدح له قدام عياله و مع ليش كبري راسه شوي ،،

أشركي عيالك في بعض جلساتكم الخاصة ،، يعني في ليلة فاجأيه بسهرة شواء على ضوء القمر تجهزينها انتي و عيالك ،، أو مرةة خلي عيالك يساعدونك في ترتيب طاولة الاكل على ضوء الشموع صدقني راح ينبسطون عيالك و أبوهم ..عودي عيالك انهم يسلمون عليه اذا دخل يحبون راسه و يده ،، و دايما يشكرونه ،، و خليك القدوة لهم في طريقتك معه ،، يعني خلي على لسانك دايما عبارات مثل الله يعافيك ،،الله يخليك لنا حتى يتعودوا ،، و ايضا في معاملتك مع أبوك و أمك بالسؤال عنهم دائما و تقديم الهدايا كل هذا قدم عيونهم...

بالنسبة للهدايا عودي عيالك انهم يجبون لأبوهم هدايا في المناسبات و ساعديهم في أختيارها و تغليفها بس خلي لمساتهم عليه ،،
شوفي هالفكرة: مرةةة كان دورنا في الجمعه العائلية و العادة نطلع في استراحه و صدف هالدور نجاح عيالي ففكرت ان أحط لهم حفلة بسيطة في دورنا منها توفير و منها ان الاستراحة أوسع من البيت ،، طبعا فيه تقديمات مع القهوة و الشاي للرجال و الحريم و اضفت سلة صغيرة مليتها شوكلاته و كتبت عليه شاركونا شكولاتة نجاحنا و تحتها أسماء عيالي في كرت و علقته بشريطة ،، و سويت كيكتين بالشكولاته و كتبت عليها مبروك النجاح ،، قدمنها بعد العشاء ،، و سويت هدايا للحريم و هدايا للرجال و هدايا للصغار و خليت عيالي يشاركوني في تغليفها و تجهيزها ،، و صفيت كل هدايا في سلة وعليها كرت مكتوب عليه ( تكتمل فرحتنا بقبولكم هديتنا ) و سويت مسابقات للصغار ،، و ملئت قسم الحريم بالبالونات الملونة و جبت مسجل كبير و شغلت أناشيد عن النجاح ،، يعني تفاصيل كثيرة مهوب مكانها هنا...
بس الفكرة ان عيالي شاركوا معي في أعداد الحفلة ،، و أبوهم كان يساعدنا بشكل عام بس ما كان يدري عن اي خطوة ،، فكل ما صار شيء في الحفلة أنبهرو الرجال و انبهر معهم ،، و كان عارف ان فيه هدايا للرجال بس ما كان يدري عن طريقة التقديم ،، و شوفوا و شلون قدمتها لبست ولدي لبس ضابط عسكري و خليته يقدم الهدايا للرجال ، اما بنتي لبستها ثوب خليجي و هامة و خليتها تقدم هدايا الحريم ،، بس المفاجاة اني جبت هدية لابوهم و غلفتها و حطيتها في سلة صغيرة و كتبت عليها كرت : ( بابا نحبك كثير ،، دمت لنا ) و خليتهم ثنينهم يشلونها و يقدمونها لابوهم ،، و للو تشوفون شكل أبوهم يقول دمعت عيوني من الفرحة ،، لا و تصفير و تصفيق و أصروا عليه انه يفتحها قدمهم ،، ففتحها وكانت عطر رجالي و عطرهم منه ... و الكل انبسط ذاك اليوم و كان دورنا هو المميز ،، حتى أبونا يقول حسيت بفخر بك و بعيالك من كثر ما مدحوك و مدحوا أفكارك ،،،

بس تصدقون جاءت على رأسي ،، صارو يتوقعون في أي دور لنا اني أسوي حركة جديدة أو حاجة مميزة ،، و دورنا قريب الله يعيني خلصت الأفكار ....

طولت عليكم معليش العذر و السموحة ،، بس حبيت أضيف تجربتي هنا... و الحين أترككم شوي لانه بيجيني ضيوف ،، و اذا حصلت وقت رجعت لكن...

يتبع....

عيووووووووووووون سعد مشكوووورة على كلامك الدرر
وان شاء الله نستفيد منه

عزيزتي انا لي عشر سنين مع زوجي عجزت أفهمه مايهمه شي الين جاني أحباط
تصدقين عاد انه صار آخر اهتماماتي وصارت الصاقات عندي أهم على الأقل أحس ان فيه
أحد مقدرني الظاهر يبي لي طبيب نفساني عشان أعرف وشلون أتعامل معه مع انه طيب
وحبيب بس تبغين شخص يحس بالي تسوينه عشانه من القهر حتى الكلمه الحلوه ماتطلع ياانا الي يبي لي علاج ولا هو والي عندها رقم طبيب نفساني جيد تعطيني رقمه وأكون لها من الشاكرين.

عيون سعد تسلمي على افكارك الجميلة
وا.دا.م .الله عليك السعاااااااااادة وفقك وي زوجك وعيالك
واتحفينا داءما بافكارك النيرة التي لاغنى لنا بها
ولك حبي
.

كلامك حلو وجميل

الله يسعدك اعجبتني كثير كثير فكره الاستراحه