اذا كنتي معزومة وحصلك الموقف هذا وش تسوين؟؟؟؟؟؟

دايما اذا رحت لاحد خصوصا اهل زوجي ما اسلم من النصايح الي من غير سنع على بنتي.......
بصراحة شي يطفش ......يعني من الذوق انك ماتنصحين احد الا اذا طلب او لمح.....
زي اليوم كنت معزومة عند اهل زوجي وجلست بنتي تبكي لان موعد نومها قرب وهي كذا طبعها اذا جاها النوم تجلس تبكي.........طبعا انا اخذتها لغرفة صادة شوي عشان الازعاج ما يخليها تنام لقيتهم جايين وكل وحدة معها عيالها وهات يا اسئلة وش فيها بنتك تبكي؟؟؟؟اكيد جيعانة.........وترد الثانية بالنيابة عني لا لا اكيد عندها التهاب.........وترد الثالثة لا البنت شكلها بطنها يمغصها !!!!!!!وانا ابي بنتي تنام وهم فوق راس البنت وهات يا نصايح والمشكلة اطفالهم الي يمسك شعر بنتي والي يبوسها وانا استحي اهاوش الاطفال لان الشرهه على الامهات الي للاسف ماعندهم ذوق........والبنت ياحرام من الازعاج صارت تبكي بقوة وانا قلبي تقطع عليها.......كان ودي اقول كل وحدة منكم تطلع براااااا عشان البنت تنام........لكن للاسف مايفهمون.....
والي زاد الطين بلة بعض الضيوف الي عندهم انظموا للمجموعة الي عند بنتي وحدة تقول عطيها يانسون ووحدة تقول لااااا احسن تغيرين لها يمكن حرانة واشتد النقاش بينهم عند بنتي في الاخير اتصلت على زوجي وقلت تعال اخذنا.........فجاة لقيتهم طالعوا فية وراحوا للمجلس يعد ما كلمت زوجي !!!!!!
يعني ناس ماتفهم الا بكذا..........وانا طبعي خجولة واستحي افشل احد واحرجة لكن المفروض الواحد يصير عندة ذوق ومايزعج غيرة.........
هذي مشكلة اعاني منها حاليا في اي مكان اروح له ولا اعرف كيف اتصرف يمكن لانه شي جديد علي ؟؟؟؟؟؟
انصحوني وش اسوي مع الملاقيف الي اصادفهم ؟؟؟؟؟؟؟ ويعطوني نصايح سخيفة ومالها دااااااااعي؟؟؟؟