السلام عليكم ورحمة الله وبركاته
.................
مع اشراقة يوم جديد
وانتهاء يوم قديم
والنت وشحلاته هالحزه يصير سريع ومطيع وعلي بن مصطفى:hahaha:
عندي سوليفه بسيطه مالقيت لها اجابه :confused:
على كلمة راس ،،، على تنبيه ،، على رز وسلطه
^^^^^
هذولا عناوين النشرة :smile:
أبي أبدا بالسوليفه تراها خارج الموضوع الاساسي << لأ لا تدورنها برا ،، انا اقصد خارج سياق هدف هذا الموضوع كككككك
بس ابغى اسويلكم عصف ذهني عشان تستوعبون الموضوع الاساسي
هذا الله يسلمكم محد من المخترعين عرف يجاوب عليه
ولا حتى ابوي مع انه يحب الرياضيات او بالاصح ماسألته! هع
ولا سمعت أحد اثار هذه النقطه << افاا !!
اللي هي تعرفون السحاب اللي بالبلوزة او الجكيت ؟؟ اللي يجي من قدام ! واحيانا يجي بداله ازارير
البعض يسمونها سسته << مثلي يعني
باختصار هذي شكلها
ايه المهم ليش كل مانفتحها تسوي صوت ( ززززززززييييييي )
واذا سكرناها يصير صوتها ( زززززوووووو )
تحسون فيها فرق في الصوت، فرق بسيط مايلاحظه الا دقيق الملاحظه هع او الدقيق الكويتي هع هع
حاولت اقلب الجكيت وألعب على السسته عشان ماتنتبه انها مقلوبه << مقلوبة ولا صياديه
بس برضوا الصوت : زززززييييي ،،،،، بعده زززززوووو
انا اتوقع بسبب الجاذبيه تزعل اذا طلعنا شئ على فوق ، همن السسته تقول ززززززوووو
باحباط << كأني اشرح صوت الذبانه هففف ، ان شاء الله وصلت الفكره بس ..
ماعلينا جاري البحث والتدقيق ...
كلمة المخ قصدي الراس اللي ودي احدثكم فيها
شوفي حبايب
فيه ناس صار تحس بزياده ماابي اغبطهم لأني افضل اني ماأحس ..
ايه جد اتمنى اني مااوصل لمرحلة الاحساس هذا
وابغى كل شئ يمشي على مهله وأقل من مهله
ماتحسون ان الايام صار تتسابق مع بعضها << هنا اتمنى اني ماأحس هالاحساس وتصير تمشي طبيعي
تحسون يجي يوم ويطير ونحنا ماانجزنا فيه الا القليل واحيانا نحس ماانجزنا فيه شئ:time:
ماتحسون ان المال الكثير صار مايكفي الا لأشياء قليله
ماتحسون مثلي برضوا ان الاشياء اللي تمتعنا ماعاد نحس بمتعتها الا شوي وبعدها نمل ونبحث ونغير !!!
ماتحسون بعد وكلكم حس مرهف ، ان حليب بالموز تغير طعمه << لاتمزحين مو وقته
جــــد يابنات
البركه نااااقصه في اغلب الاشياء بشكل ملفت
ماعدنا نستمتع جيدا بأي شئ ،، كما كنا سابقا نستمتع بكل شئ ! << اللي يسمعها يقول عاشت ايام اول وبركة زمان:unhappy:
يمر اليوم والاسبوع والشهر والثلات وتخلص السنه ونقول: يالله الايام مرت بسرعه ماحسينا فيها
ندعي ونقول يارب ترزقنا البركه ، يارب بارك في ارزاقنا واعمارنا واعمالنا
وحنا اساساً ماعملنا اسباب نزول البركه التي أُمرنا بها !!!
قال تعالى : ( ولو أن أهل القرى آمنوا واتقوا لفتحنا عليهم بركــــــــــــات من السماء والأرض .... )
البركة هي أساس المنفعه من الشئ
سواء رزق او وقت او ذريه او عمر ... الخ
واذا نزعت البركه من الشئ فلا بد ان يكون هناك سبب ! وسبب البركه ذكره الله ( آمنوا واتقوا )
اذا نزعت البركه من الرزق << فلن ييكون هناك نفع من كثرة المال
فسيجد الانسان انه يملك مالا كثيرا ، ولا يكفيه هذا المال ،، فليبحث عن مصدر ماله
هل هو حلال ام به شبهة ام هو مال حرام !!! هل ترك الصدقه ، هل يزكي ؟؟؟
وقد يبارك الله للشخص في ماله وهو قليل فينفعه به ، اكثر من صاحبه كثير المال منزوع البركه ...
واذا نزعت البركة من الوقت << فسنجد أن اليوم الكامل لايكفينا لعمل شئ قليل
فلننظر ماذا اهملنا من طاعة الله عزوجل في هذه الــ 24 ساعه ،، التي سنسأل في أي شئ افنيناها !!
فالبعض قد يقول : انا مااعمل منكرات فيما يبدوا، ومع ذلك لاأجد البركه في وقتي ؟؟
فعليه ان ينظر هنا ،،، هل يفعل المستحبات كما يهتم بالمباحات
هل كتاب الله له نصيب من وقته ، ام فقط عند الهم والمصائب يذكره ؟؟؟
هل ذكر الله على لسانه < ام انه لايعرف الله الا في صلاته ؟؟
وكذلك البركة في الذريه <<< هل تعلمين مااثر محق البركه من الذريه ؟؟
من أساء التربيه ، فمن أين يحصل على بركتها ؟؟؟؟
لذلك احرصي على التربيه السليمه وعودي طيورك على مايرضي الله
لتتمتعي ببركة ذلك عندما ترينهم بارين بك مهتدين ..
اما بركة العمر فزوالها من الكوارث
فقد يطول عمر الشخص ،، وبعد موته لم يترك له شيئا يذكره بخير ..
وقد تقصر الاعمار ،، ويترحم عليه من هو في أقصى الارض
فلله در امرء رزقه الله بركة عمره فطالت سيرته الحسنه بعد موته ... << ترى بغيت أألف بيت شعري هاه حتى شوفوا اول البيت تحته خط خخخخ بس قريحتي خلصت شحن هع
فليس طول العمر بححد ذاته بركه ،، وان كان طول العمر بركه كما دعا الرسول عليه الصلاة والسلام لأنس
ولكن استثماره في طاعة الله والعمل للآخره هي البركة المرجوة منه ...
قد يقول البعض
طبيعي تنزع البركه في آخر الزمان كما أخبر السول عليه الصلاة والسلام ويتسارع الزمان وووو
واقول هو فعلا طبيعي
لأنه ( ظهر الفساد في البر والبحر بما كسبت أيدي الناس ليذيقهم بعض الذي عملوا لعلهم يرجعون )
لكن هناك ناس يحسون بالبركه حتى مع قلتها في هذا الزمان
فلنعيد النظر في صلتنا مع الله ..
أسأل الله ان يرزقنا البركه في كل شئ
وأن يبارك لنا وعلينا ويجمع بين كل زوجين على خير
بس لاتنسون تعزموني على الزواج :biggrin2:
والله يجعل مواضيعي مباركه وتستفيدون منها ،، احم
اعذروني ان كان كلامي مخربط
لأني على طول اكتب عالكيبورد ولا نسقت مع وزارة البترول والزراعه هههع
والمثل الصيني يقول : ( البيوت السعيدة لاصوت لها )
<< مدري منين جا هالمثل ووش موقعه الحين بس احسه قاعد براسي ويقولي : تكفى اكتبيني هيييع
سبحانك اللهم وبحمدك أشهد أن لا اله الا انت أستغفرك واتوب اليك ..
لا اله الا الله ..
بس والله صادقه ماعاد تحسين بالوقت امس مصلين الجمعه وبكرة الاثنين يارب رحمتك
كاننا قبل شهر معيدين ورمضان مابقيله الا اربع اشهر تقريبا يارب سترك وعفوك
الله يعيننا يارب
ولحقت ترى عالمثل الصيني اللي مدري من وين ناخشينه ههههههههههه احس البيوت اللي مالها صوت كلها كئابة يازين اللمه والضحكه والقرقرة وازعاج البزارين الله يحفظهم يارب