اذا كنت سنعة في امور الذوق والاتكيت والعزايم تعالي؟؟؟

حبيباتي ........ ليكون هالشغلة مو معروفة او مو منتشره

بس صدقون حركة حلوة لو ضبطناها ........... تعطي جو للفخامة المكان .........

بس وينكم بنات افكاركم ويطلع كلش مضبوط

مرحبا عزيزتي سباقيتي
فهمت عليك
انا بصراحة بيتي صغير وما عندي مساحة كفاية
ومغسلتي رخام روزا فيها مغسلتين...المهم انا حاطة بين المغسلتين في المساحة الفارغة علبتين زجاج صغار انا زينتهم بشرايط (هم اساسا حقات حفظ المجوهرات) وحدة فيها هيل مع مسمار (قرنفل) والثانية فيها لبنان (علك عربي) وفيه علبة زجاج فيها اعواد اسنان حطيت عليها بعد شريطة وعلبه عطر فيها مخلط

وانا قبل كنت حاطة طاولة صغيرة (حديد مزخرف) في الكورنر اللي جنب المغسلة وعليها سلة صغيرة فيها فوط صغيرة حقت تنشيف الايدين وعطر ودهن عود
وتعرفين السكريات اللي تجي مع طقوم الفناجيل (كان عندي 2) وحطيت وحدة فيها علوك والثانية حلاوه مص بولو
لكن للاسف ولدي كسرهم وكانت الطاولة مضيقة الممر شوي فاستغنيت عنها

واتمنى ان افكاري تكون اعجبتك
وانا سعيدة اني اكون اول وحدة اعطيكم افكاري
وانتظر تعليقاتكم

وللاسف ما عندي كاميرا عشان اصورها لك

قلبي بنت ابوها .............

ياحلو المغاسل اللي فيها مساحة تغنيك عن الطاولة

لكن مغاسلي صغار ومافيها زود

على فكرة المسمار فكرت استغني عنه احسه ينحط في الزواجات وبعدين راحت موضته

انتي ذكرتيني بحلاو ابللو يعطيك العافية ولك خلاصي احترامي ........

تحياتي

ماشاء الله عليكم يا بنات والله انا وايد استفدت منكم
بطبق نفس الفكره

ممكن اذا عنك مساحة تحطي طاوله دائرية اوعلى المغاسل نفسها اذا كانت رخام بنانير قزاز تكون فخمه على لون مدخل المغاسل ويكون فيها وحده حلاو انواع ووحده فيها علوك الوان ووحده فيها علك لبان ووحده مناديل معطرة واو حلاو حجارة او ملونه اي حاجه تبغيها وتحطي جنبها شموع وتنثري حوليها احجار ملونه او كرستال ويكون تحتها مفرش مرمي بحركه حلوه وتفنني عاد بالعطور والمناديل ,,,,,,