اذا لقيتي نملة في بيتك لاتذبحيها,, تعالي اقولك وش تسوين بالضبط

مدخل/يحكى ان النمل كان لا يختفي من بيت ابوخالد وكانت امه تعيش معه ومع زوجته وكلما راى ابو خالد او زوجته او ابناءهم النمل يتضايقون منه لكن جدتهم تهون عليهم وتردد لهم ان النمل دليل الخير في البيت,,,مرت السنوات ولم يختفي النمل ,,,مرضت الجدة ثم ماتت حزن الجميع لفراقها فقد كانت بركة البيت
العجيب ان النمل ايضا اختفى بعد وفاة الجدة,,,هنا ضرب ابو بدر كفا باخرى قائلا:
صدقت امي فقد ذهب الخير من البيت،،
انتهى

السلام عليكم بنات شخباركم مع هالجو الرائع طبعا الرياض غيوم ومطر وعساها تعم المملكة كلها يارب والكل يعيش هالجو الجنان

بعضنا /خصوصا اللي مستاجرين شقق/يعانون احيانا من مشكلة النمل الصغير او الذر مثل مايسميه البعض ومايمدي قطعة خبز تطيح الا والوفود منهم جاية تشيلها او كسرة بسكويت على الدولاب ماتدرين الا هي تتحرك بسم الله وفي النهاية تكتشفين ان هالنميلة قاعدة تجرها وشكلها ذابحها الجوووووع
المهم انا والله عانيت من هالشيء خصوصا اني ماكنت ادري من وين يجي وجلست لفترة اعتقد انه ينخلق في هذيك اللحظة هههه شفتوا الذكاء
ولكني ولله الحمد توصلت لطريقة رائعة وفتاكة ولن تري هذه الجموع من النمل بعد اليوم

الادوات المطلوبة/
بخاخ بف باف او ريد او ماشابه وحتى لو بودرة بس البخاخ اسهل وياليت ابو انبوب او اذا مرة ماعندك جيبي اقرب شبشب ابو حمامه هههههههه
غراء مسدس او سيلكون او اي مادة للحشو
وبس

الخطوات/
اول شيء راقبي لك واحده من هالجماعة وخليك وراها
واذا حسيتي انها قاعدة تلعب عليك وتلف بدون سبب اعرفي انها تبغى توزعك وتضيعك فشوفي لك وحده غيرها هههههه
لا من جد تابعيهم ونقلي نظرك من واحده للثانية وركزي على اللي معاها اكل لانها اكيد بتروح سيده عالبيت تفرغ الحمولة
وبالتالي بتعرفين من وين المدخل حقهم
وغالبا يكونون جايين من جوانب الشباك او جوانب الافياش او فتحات قديمة بالجدار وتري المهمة مرة سهلة وماتاخذ الا دقيقة وتكشفين مخباهم باذن الله بس خلي نظرك سته على سته
الحين هانت وخلصتي ثلاث ارباع المهمة
اشبكي الغراء على الكهرب
او اذا تعرفين تستخدمي اي مادة اخرى لحشو مدخل النمل فجهزيها
وفي هالاثناء بخي عليهم مبيد وبخي على مدخلهم علشان كذا انا افضل ابو انبوب
اخيرا امسحي الجدار بمناديل
وابداي بوضع الغراء او السيلكون او او او
وكنسي الضحايا هع هع هع
وبالتالي انتهت المعركة بسلاااام
ولن تري نملة بعد اليوم
واذا شفتي وحده ثانية اتبعي نفس الطريقة
واللي ماتعرف تدق علي وانا افزع لها خخخخخخخخخ
واخيرا تقبلوا تحياتي