وعليكم السلام ورحمه الله وبركاته


الله يوفقكم ويصب بينكم الارزاق والمحبه والالفه والموده صبا


باذن الله ترجع الموده والمحبه والاحترام


انتي تقولين تدخلين دورات حاولى تدخلين دورات تعلمك كيف تمتصين الغصب


ابدئى حياه جديده أذا رجعتي

اذا صار نقاش حاد حاولى تخفضين صوتك وتسمعينه واذاهداء قولي اللي تبين


كرري بينك وبين نفسك كلام ايجابي وباذن الله راح ترجع المياه لمجريه



اذا عندك اطفال فكري اكثر وكثر اش مصيرهم لو انفصلتي مع من راح يكنون


هل زوجك راح يرضى يعيشون معاك


وغير وغير



الله يصلح الحال


بينكم

الله يختار لك الطيب


وقفي مع نفسك واختاري

و اذا اخترتي و قررتي بترجاك و اطلبك طلبه

لا تلتفنين للخيار الثاني اللي تركتيه ابدا و انسي في يوم من الايام انك كنت مخيره

و فكري بالشيء اللي اخترتيه و بس

قلبي عندك

الله يخليك لاطفالك

انا قريت وفهمت شيئ
حبيبتي
الحياه الزوجيه اول شيئ لازم تسكت الوحده وما تتكلم كثير كثر ما تسمع
وتطلب طلباتها وحقوقها فقط
وتعود الزوج عليها ثم
تطلع للكماليات
انتي مشكلتك الناس بسس
يعني تخيلي نفسك فقيره ووحيده وماعندك صحبات انا اقول تخيلي وش الضروريات
هنا احنا
جيبي الضروريات وانبسطي ثم جيبي الكماليات شيئ على شيئ لحد ما يدخل ضمن الحياه الطبيعيه
وتخلينه يجرب شيئ ورى شيئ لحد ما يعجبه
لا تتوقعي ان حياتك الزوجيه امتداد للافضل مثل ما كنتي عند اهلك وللافضل لاااا
حسب الزوج
ممكن تضطرين مع الزوج تنزلين 50 خطوة ورى عشان تصيرين جنبه وتمسكي بيده وتصبرين وتطلعين السلم درجه درجه
تقولي زوجك كان راعي استراحات وما عجبك
وصار يقعد بالبيت كمان ماعجبك
هنا مشكلتك انتي ماحطيتي حدود واضحه له من البدايه
طيب الحين زوجك قاعد بالبيت
دلعيه حتى لو ماتحبينه اهتمي فيه
اذا عصب قومي عنه
لما يزعل عتاب باسلوب جميل
الحب يجي ويرووح
ولو لمحتي بذرة حب نميها
ادري فيك ماتحبين الكذب وتكرهين اللي يوعدك ويخلف
بس انتي اكتبي عيوبه كلها في ورقه وقلم وبالمقابل عيوبك
وابدئي في اصلاح عيوبك وعيوبه
انا مريت باسوء من اللي مريتي فيه
والحمدلله اليوم وبعد 14 سنه زواج راضيه فيه تماما تغلبت على عقبات جدا جدا جدا كثير
من مستواه التعليمي
لعلاقته في ربه
لوزنه
للتفكيره
لكل شيئ
لكن يبي لك صبر وطولة بال
ودهاء وذكاء
لا تستعجلين على الحياه
اذا انتي تشوفينه يحبك
خذي بوقت رايق وكل مره عدلي صفه
وان صلحت صلاته كثير اشياء بعدها بتصلح
بس الاهم انك انتي بعد تطولين بالك
وتطنشي تفكيرك بالناس
وماتهتمين وين راحوا ومتى رجعوا
اهم شيئ هما بخير وانك تقابلينهم
وحطي ببالك
انك رح تكوني افضل بس يبي لك صبر
وتقولين بالبيت وربة بيت وعيال
هالعيال هم حلاة الحياه الزوجيه وجديدها والذ مافيها
تدرين انا ما احمل الا كل 6 سنوات لما يجي الطفل الجديد ينعش الحياه الزوجيه والبيت وكل شيئ بشكل مررره جميل
واحب استمتع بها الطفل بكل شيئ بالاهتمام بالعنايه بكل شيئ
استمتعي
ولا تقارني زوجك باحد
حطي براسك زوجي مختلف لكن مو متخلف يعني في امل بالتغيير
وانتي اصبري
لا تكرهينه عشان سطحيات الامور
وخذيه بالحيله
وبالتدرج مو لازم يحس بذكاء النسوان
واهتمي ببيتك
وبزوجك وباهلك وبصحباتك
حطي له رغباتك واطلبي منه وش رغباته
ووش تطلعاته وايش تطلعاتك
وقربيهم من بعض
وواضح جدا زوجك مو عارف لك او انكم مو من بيئه وحده ولا من تفكير واحد

الله يفرج همك

انا ما انصحك ترجعين بسرعه
يبي له فترة يتأدب فيها ويفكر ان فعلته هذي ممكن تخسره اياك
ودي اقولك شهر بس اخاف يتسلط عليه ابليس وبنات الشوارع !
لكن لا تقل عن اسبوعين

في فترة الزعل بين الزوجين الشيطان يطرح فكرة الطلاق وبقوة في فكر المتضرر ويسهلها جدا
لكن بالعقل والتروي تدرين ان اقبح شي واخطر شئ يمكن يمر على العلاقة الزوجيه هو الطلاق

الطلاق دمار لحياة المرأة وتشتيت للاطفال وضياع لهم وخسارة للرجل
يعني الرابح الوحيد في الطلاق هو ابليس الرجيم

انتي ذكرتي عنه عدة مساويء منها عصبيته وتدخينه وسماعه الاغاني وتركه للصلاة في المسجد

مادام شاريك وراغب في رجعتك فهذا معناه انه مازال يريدك ويحبك ولكن لمشاكلكم فهو يفقد اعصابه ويتعدى الحدود
لذلك لا تكون رجعتك له بعد الضرب بالساهل

ارى ان العيوب التي ذكرتيها سبب كبير من اسباب عصبيته وسوء خلقه
بامكانك ان تشترطي عليه لرجعتك حتى يخفف من عصبيته

يعني تشترطين انه يحافظ على الصلاة في المسجد ولا تتنازلين عن هالشرط ابدا لانه قوام سعادة حياة الانسان
واذا بعد الانسان عن ربه انعدمت سعادته بدرجة بعده عن الله
قد تلاحظين عليه الكسل ولكن ما عليك الا التشجيع وذكر الفضل لمن صلى جماعه (ثقفي نفسك في هالناحيه)

ايضا تشترطين انه مايسمع اغاني في البيت اذا كان عندك او كنتي معه في السيارة وقولي مع حرمة الاغاني الا انها تثير ضيقي وما اتحملها فما ابي اسمعها
واذا كنتي انتي تسمعينها حاولي تتركينها من اللحظة هذي لوجه الله ولينزل الله رحمته على بيتك
لكن اذكرك بضرورة احضار البديل سواء اناشيد او قرءان
ومن تجربه يا اختياقول لك ان سماع القرءان يشعر بالهدوء والطمأنينه والسكينه حتى لو كان بدون حضور قلب وجربي وتشوفين الفرق

التدخين دمار لصحته وماله ونفسيته اشرطي انه ما يدخن في بيتك او بحضورك وحضور اولاده واطلبي انه يعطيك كلمة انه يترك التدخين
يعني يضع هالفكرة في راسه ويحاول كل فترة الى ان يهديه الله ويتركه

لو فعل كل هذه الاشياء بتلاحظين ان عصبيته قلت وان مشاكلكم قلت وان الشيطان بعد عنكم

لكن اهم شي تحرصين عليه هو اهتمامه بالصلاة والامور الثانية تأتي تباعا

السفر والطلعات تجي بعد ما تتحسن احواله الدينيه
ايش فايدة انه يسفرك وهو عصبي ويسب ويدخن وشياطينه "تناقز" فوق راسه

الاخوات لمحوا الى انه متضايق من طموحك وهذا لازم تاخذينه بعين الاعتبار
حاولي انك تشكرينه على كل شي وتمدحينه على اي شي
لا تظهري له طموحك واجتهادك دايم اظهري له انه الافضل والاحسن
تصلي لمرادك وطموحك ولا تتسببي في ضيقه ووقوفه حجر عثرة في طريقك

وقبل ذلك كله استعيني بالله على تغييره للافضل وغيري من نفسك انتي للافضل