اذا ما حد ساعدني ... يا بجن يا بموت

السلام عليكم هذا اول موضوع اكتبه بالمنتدى
يا اخواتي عندي طفلين ولد 7 سنوات وبنت 3 سنوات مشكلتي انهم ما يعرفون يلعبون مع بعض الولد لعبه خشن مع اخته ويفكر انها بعمره وهي تحب تلعب معه واذا زهقت منه ممكن تضربه ضربة توديه فيها للطواريء اسم الله عليه
مشكلتي اني ببلد غربة وما اكدر القى صديق على عمر ابني بسهولة الكل هنا مسكريين بابهم على نفسهم وانا جديدة هنا بملبورن ....
كل لعبهم عراك وصراخ ما يسمعون الكلام والبنت كانت جيدة بدت تتعلم العناد من اخوها ... تجيلي اوقات اقول اني يمكن بموت من وراهم ..شو اسوي حتى زوجي بدا يتضايق من اعصابي المشدودة دايما ...النهار والليل بس اصوات عالية ولعب خشن ومافي الي يسمع الكلام واحيانا افقد اعصابي واضربهم واندم وابكي على الي سويته بس غصبا عني ..
اليوم مثلا فكرت اني باعتباي ببلد اجنبي فلازم اقوي نفسي باللغة قليلا فتحت مواقع اجنبية وبدات اقرا واترجم (حسب نصيحة احدى العضوات بالموقع )ولكن بعد 7 دقايق اغلقت الموقع من صوتهم العالي الي شتت كل تركيزي وكرهت حياتي والله ... ما اريد اقول انهم حرموني من تحقيق احلامي لانهم هم ايضا من اجمل ما اعطاني الله في حياتي بس بنفس الوقت احس ان مستقبلي المهني كله ضاع من وراهم وبالمقابل هم ما مريحيني ...شاركوني همي الله يخليكم .. واهل الخبرة بايش تنصحوني تراني تعبت والله .. وابني وعناده وعددم سماعة للكلام امه وابوه ها ممكن ان يكون حالة شبه عادية في هذا العمر ..
ساعدوني مالي غيركم ... حتى امي البعيدة عني ما اكدر اكدرها باخباري ودايما اقول لها اني مرتاحة واطفالي ملائكة .. !!!
وشكرا مسبقا