اذا ممكن اسم لماركه او شركه ..للسير الكهربائي؟

عزيزتي الشعلة...
بالنسبة لي عندى واحد شاريته من سنتين من عند الفالح ماركة هلث كير health car وهو ممتاز ما شكيت منه ،وأحب أشجعك على رياضة المشي فهي ممتازة وتنسق الجسم بشكل رهيب ،خاصة الجزء السفلي فهو ينسق ويشد ويكور المؤخرة ويرفعها ويذهب الجوانب.. وسمعت من أخصائية للقضاء على الجوانب والتخلص من السولوليت لابد من المشي 45 دقيقة يومياً أو على الأقل خمس مرات أسبوعياً مع الإكثار من شرب الماء والتقليل من الدهون والسكريات.وأنا شخصياً اتبعت هذه الطريقة بدون رجيم ومن غير أكل بالليل الإفيما ندر ونزل وزني كل أسبوع واحد كيلو ولمدة شهر أتخلصت من 4 كيلو بلا عناء وحرمان الرجيم.(معليش أخذتك لموضوع غير سؤالك لكن من شدة اعجابي بالسير ومن استفادتي منه حابه الكل يستفيد مثلي وأكثر)
بالنسبة للسعر أنا أخذته غالي شوي لأنه قوته كانت 3 حصان أو 3 الا ربع عشان يتحمل الأوزان الثقيلة ( على رأي زوجي) اذا حب يشاركني في المشي عليه أحد من الأوزان الثقيلة، سعرة عل ما أفتكر 3200 تقريبأً مش فاكرة بالضبط الكسور ، لكن اذا حابه في من نفس الماركة بقوة أقل وبسعر أقل مش عارفته.. وربنا يوفقك في الشيء الممتاز الا يناسبك :26:
وأحب ألفت انتباهك إنه السير الاعندي في شاشة الكترونية تبين السرعة والمسافة وكمية حرق السعرات الحرارية ، وممكن تغيري مليان السير وانت ماشية عليه بضغطة زر ، وكمان مبرمج على كذا طريقة اذا كنت حابة تجربي برمجتهم ( يعني اذا اخترتي أحد البرامج تلاقيه يتغير على حسب البرنامج دقائق مشي ودقائق جري ودقائق مليان أو انحدار والمدة كمان مع النظام الا أخترتيه) أو انك تستخدمية عادى يحسب الدقائق الا مشيتيها مع السرعة والمسافة والكالوري أو كعد تنازلي.
عملتلك دعاية للجهاز بس والله مو القصد ..الهدف انه أقولك كل الا أعرفة عشان تستفيدي ويساعدك في أخذ القرار لما باقي الأخوات يفيدوك بالمعلومات الا عندهم عن الأجهزة وأسعارها ... وبالتوفيق :26:

نريد معرفة ماركات اخرى جوده وسعر طيب

بسم الله

يعطيك الف الف عافيه اختى سكون على الشرح الوافي والواضح ....وانا الحمد الله اتبع نفس خطواتك من ناحيه الاكل وشرب الماء وازيد على ذلك النوم مبكرا .....

وافيدك علما اني الحمد الله اشتريت جهاز وكان يحدد كميه السعرات الحراريه الذي تم حرقها وهذا كان اهم شي عندي ........ وكذلك كان السعر ممتاز .... واسم الماركه ليف جير..

في كمان سير من الفالح برضو ماركة هيلث كير سعره و حجمه كويس يناسب الغرف الصغيرة و كويس ماشاء الله
سعره 1400 و قوته حصان الا ربع او ربع حصان ماني فاكرة

بس ممتاز

ختي الشعله كم سعر الجهاز وهل صوته منخفض او لا