اذا مو متزوجه توافقين على هالنوع من الازواج..؟

السلام عليكم
بنات ابي اخذ رايكم
انا عندي خاله عندها 4 اولاد شباب وعندها بنات طبعا ..هي زوجت بناتها كلهم باعمار 24_22 .. اما اولادها الشباب رافضيين فكرة الزواج نهائيا لدرجة تخيلو كل جماعتنا عارفين هالمشكله ان عيالها يرفضون العرس ودايم يعلقون عليهم !! والله مالومهم الطبيعي عند الناس انهم يحاتون البنات انهم يتاخرون بالزواج ويعنسون بس عيال خالتي العكس!!
المهم قبل ثلاث سنوات توفى ابوهم الله يرحمه وبقت خالتي لحالها بالبيت وعيالها ثنين منهم ساكنين بمدينه وحده بعيده عنها ووالاثنين الباقين كل واحد بمدينه غير وبعيده مرره عن قرية خالتي الي ساكنه فيها
قررو هذولا الاثنين الي بمدينه وحده ياخذونها عندهمم تعيش بهالمدينه وخصوصا انهم لهم قرايب اصلا من جهة ابوهم هناك
وقامو باعو الابل حقت ابوهم وبعض املاكه بالقريه وطلعلهم مبلغ محترم جدا واشتروا فله كبييرره بمدينتهم على اساس تجي امهم تسكن فيها وهم يجون عندها بدل الشقق الي كانو فيها
طبعا خالتي شايله يدها من الموضوع باعو واشترو وخلصو وهي ساكته ماتدخلت ولا اهتمت لين جا وقت النقل رفضت! وشرطت عليهم ماتسكن هذاك البيت الا وفيه مره !يعني تبغى لو واحد عالاقل يتزوج منهم وهم رااافضين! ياعمري خالتي والله فنت صحتها وهي تطلبهم يتزوجون والله تتشحذهم يتزوجون بس رفضهم غرييب وقوي ولا ابن امه يقنعهم! حتى الحريم اذا شافوا خالتي علطول بفتحون موضوع عيالها ها عسى اقنعتيهم بالعرس! يعني السيره على كل لسان والاسباب مجهووله! كلهم موظفين وظايف كويسه رواتبهم فوق ال10الاف يعني مقتدرين هذا غير ورث ابوهم .. طبعا هم مو صغار اعمرهم بالترتيب -40-35-33-28
المهم والي يعنيني بالموضوع هذا كله اني عرفت اني انا المرشحه لاصغرهم ابو28 وانه هو الوحيد من اخوانه الي حن على امه اخيرا ووافق يتزوج ..وبس باقي ترتيبات بسيطه ويتقدمون رسمي
وش رايكم على هالنوع من الشباب ! يعني الي مو ملهوف على العرس وعاجبته العزوبيه واتوقع انه وافق عشان يتحقق شرط امه وتجي للمدينه! انا بصراحه ودي ما اوافق لين اعرف السبب القوي الي خلاهم يعزفون عن الزواج بهالشكل ..اخاف فيهم بلا ولامتعقدين من طفولتهم من زواج امهم وابوهم مابي تكرر معي هالتجربه الي ماثره عليهم! مع ان الي اعرفه ان خالتي وزوجها عاديين زوجين تقليدين مابينهم مشاكل بس ماندري عن اسرار البيوت
وش رايكم انتم وش ممكن يخلي الشباب يعزفون عن الزوج اذا كانت ماديتهم وصحتهم كويسه !
وعلى فكره هم محاافظين جدا جدا وملتزمين دينيا مايتركون فرض ماشالله
طبعا انا عمري23 وتوي متخرجه هذي السنه وبصراحه مو ميته عالعرس هالفتره ابي سنة نقاهه عالاقل بعد التخرج.. لكن اذا ارتحت للموضوع ممكن اوافق
انتم قولولي وش رايكم بهالنوع من الشباب!

**بنات والله عقب المواضيع الاخيرة الي يفتحونها مرضى نفسيين بعضويات جديده ماستبعد تجي وحده تكذبنني لان عضويتي جديده مع ان موضوعي مافي شي غريب .. المهم وررربي وربي اني بنت والسالفه صدق والموضوع شاغلني وافكر فيه انا صديقتكم من زمان بالمنتدى وغيرت معرفي لاسبابي الخاصه**