لا تردي عليها خلك كذا احسن لان مهما صار بيوقفوا كلهم معها (بنتهم) و انتي
بتصيري الوقحة اللي ماتعرف الأدب .. أوعك تردي عليها و تسببي لك و لزوجك مشاكل
انا صار معي موقف مشابه بس انا رديت و صار اللوم كله علي لو ما عمتي وقفت بصفي
و اضطريت اعتذر مو لشي بس عشان زوجي لاينظلم بس تدري انها نفعت و بالقوة
الحين ماحد يتجرأ يقول لي كلمة لكن مو كل مرة تسلم الجرة

شوفي حبيبتي انا دايما افكر بعقلانيه

بس بصراحه هذي ما يبي لها عقلانيه ودك بكف يعدل اخلاقها بس للاسف بتطلع هي المظلومه

بس برضو لازم حل بكرا بتجيبن اولاد وبتصير تهينك قدام عيالك ولا قدام ناس في مناسبات واذا من الاول ماوقفتيها عند حدها صدقيني بتتمادى اكثر واذا تعودتي على السكوت والسلبيه بتسكتين طول عمرك والكل بيبدا يتمادى عليك



ترى انا مثلك اذا احد هاجمني فجأه انصدم ولا اعرف وش ارد واذا رجعت البيت اقول انا غبيه ليه ماقلت كذا وقتها

مع ان شخصيتي قويه وقياديه والحمد الله ماعمره احد تهجم علي بس ايام الدراسه وتعرفين مشاكل الدراسه

بس تدرين ليه احنا ننصدم ولا نعرف نرد مو لضعف فينا

بس لاننا بنات متربيات على الادب والاخلاق وسبحان الله ماتعرضنا لمواقف فيها طولة لسان وقلة ادب متعودين على الاحترام والذوق فتلقينا نتفاجأ من الوقاحه اذا تعرضنا لها ولا نعرف نرد بس لازم تتعودين على قوة الشخصيه

وترى فيه فرق بين قوية الشخصيه والايجابيه بالتعامل وبين الوقاحه و اثاره المشاكل ممكن تاخذين حقك والكل يضحك



وانا بقولك وش تسوين بس لازم تتدربين كثير على الكلام وتحفظينه زين وتعودين نفسك عليه

اول شي دايما الجئ لربي و داعي دايما انه يكفيك شرها ويشغلها عنك ويرد كيدها في نحرها

وقولي دايما (حسبي الله لا إله إلا هو عليه توكلت وهو رب العرش العظيم 7مرات)
خصوصا اذا بتروحين لهم

اوكي هذا اول شي

ثانيا عند اول خلاف او مشكله بعد كل اللي صار اوقفي وبصوت هادي وثابت وقولي اسمعيني يابنت الناس
انا سكت عندك واجد واحترمتك واجد ولاتفكرين اني مااقدر ارد عليك لاني خايفه منك او ضعيفه

بس لانه فيه مثل يقول ( فيه ناس احشمهم وفيه ناس احشم نفسك عنهم )

وانا حشمتك ولا فاد فعشان كذا حشمت نفسي عنك وعن الرد عليك وهذا كله عشان عمتي وعمي و زوجي والبيت اللي انا جالسه فيه

والتفتي للي موجودين سواء عمتك او عمك او اخوات زوجك الباقيين او حتى زوجك وقولي اسمعوني زين ,, كلكم على عيني و راسي احترمكم واقدركم واوصل فيكم ولا ابي اقطعكم لكن اسمحوا لي بنتكم تجاوزت حدودها وانا تعلمت على الاحترام والتقدير عشان كذا بتجاهلها هالمره

لكن صدقوني اذا مااحترمت نفسها وكفت اذها عني راح يكون لي تصرف ثاني وساعتها لاتلوموني ولا تزعلون مني لانه لو وحده من بناتكم اخوات زوجها يتعاملون معها بهالطريقه ماراح ترضون واللي ماترضونه لبناتكم المفروض ماترضونه لبنات الناس

وبعد هالكلام روحي بوسي راس عمتك وعمك وقولي لهم سامحوني واعذروني لو انقطعت عنكم ماكنت ابي القطيعه لكن بنتكم جبرتني و راح اتواصل معكم بالتليفون ان شاء الله وخذي عباتك ياحبيبتي واطلعي و ريحي راسك

و وزوجك لا يقطع اهله ولا عيالك خليهم يقومون بالواجب بس انتي اذا بنتهم ماتسنعت خلاااص لا تكثرين عليهم الدوس وزوريهم بالاعياد والمناسبات فقط

بكذا تكونين اخذتي حقك اللي سكتي عنه كثير وبنفس الوقت وقفتيها عند حدها ولو ماوقفتيها عند حدها لاني اعتقد انها ماراح تتسنع تكونين على الاقل وضحتي للكل انتي مين ولو قطعتي عنهم يعرفون السبب

واقولك تراها بترد عليك وانتي تتكلمين مليون بالميه واقل شي تقوله الكلام المعتاد اللي نسمعه من قليللات الادب

( لا والله خوفتيني )
( تعالي ربيني احسن )
(اكلي تبن وانطمي ومااعرف ايش ومن هالكلام اللي كلكم محشومين عنه)

انتي كملي كلامك ووجهي كلامك للموجودين ولا كانك تسمعينها وحتى لو اي احد وقف معها وصار يتطاول ابدا ولا كانك تسمعين علي صوتك وكملي كلامك كله

ولا تقبلين باي اعتذار من عمتك ولا عمك اذا كلموك قولي كلكم علي عيني وراسي بس اسمحوا لي ماعندي اي استعداد كل مره بنتكم تهيني وانتو تجون تعتذرون هذا مو حل


والبنات اللي يقولون احقريها وماادري ايش اقولكم لا

الانسان اذا مااحترم نفسه صدقوني مااحد يحترمه

لازم هي (كاتبة الموضوع )تحترم نفسها(اقصد تحط حدود للاهانات) لانه من احترامها لنفسها وعدم قبولها بالاهانه من الاخرين
هم غصب يحترمونها وحتى اولادها بكرا يحترمونها

فيه مثل يقول ( من حط نفسه سبوس لعبت به الدجاج )

ممكن اذا قامت تهاوش تاخذي جوالك وتتفرجي في الصور وابتيسمي او تكلمي مع احد في الجوال المهم اقطعي عليها واضحكي مع الكلام

يعني كأن الكلام مو موجه لكي يعني وهيه تتكلم او اذا عندك اطفال كلمي طفلك لعبية بوسيه واضحكي اهم شي الضحك

يعني ما اثرتي فيه او المهم تقطعيها اذا احد جنبك كلميه حتى لو ابو زوجك افتحي موضوع وهيه تتكلم اهم شي اقطعي كلامها

انتي قلتي ان اهلها يدقون يعتذرون عن تصرفاتها
يعني هم عارفين انها غلطانه وحتى لو ماقالو شئ انتي عارفه انهم عارفين انها غلطانه .
يعني رايتك قدامهم بيضاء
وهي اللي ماتستحي وتغلط عليك
...يعني يحق لك تتصرفين اي تصرف يرد لك كرامتك .
انتي قلتيها محد يردعها والا يوقفها عند حدها حتى زوجك عارفه ليه ؟؟
لانك انتي المظلومه وساكته وراضيه ..فليه يسوون مشاكل معها وانتي ساكته ؟؟
لا ياعمري الا متى بتعيشين بسلبيه كذا
هذولا حمولتك يعني العمر كله بتقابلينهم
ولو انها تغلط عليك بينك وبينها كان اقول ردي عليها واصبري
لكن القهر انها تغلط عليكي قدام الناس وفي الجمعات
انا مدري ليش تهينين نفسك اكثر
عزي نفسك يعزونك الناس
واعرفي قدرك زين يعرفونه
لازم تسوين شئ يخليهم كلهم يحترمونك ويوقفها عند حدهاااا
عمر السكوت على المذله ماكان حل
(( اذا اكرمت اللئيم تمردا))
شوفي زوجك عطاك الصلاحيه صح ..خلاص اقطعيهم ولاعاد تروحين لهم مري عليهم مرور الكرام سلمي بس على ابو زوجك وامه وانتي بعبايتك واطلعي
خليهم يحسون انك متغيره وانك زعلانه
شوفي هي شكلها طويلة لسان وماتستحي يعني لو واجهتيها بتطول لسانها وانتي من جهه وهي من جهه بس هذا مو حل لان شكلك كذا مو حلو قدام امه وابوه ومايصير كل مره هوشه ..
انتي سوي مثل ماقلت وخليكي على الحال الين يأدبونها لانهم بيحسون ان بيت ولدهم بينهدم بسببها ساعتها يمكن يحسون ويكلمونها
خليكي قويه واذا حاولي يخلونك تجلسين لاتوافقين ابدا سلمي وخلي عيالك يسلمون وعلى الباااااااااب على طول واستمري كذا لين تتأدب وتفوق لنفسها
واشتري راحة بالك وقابلي زوجك وعيالك
اهم شئ ان زوجك واقف معاكي واعطاك الصلاحيه يعني خلالالالالالالالالالالالالالالالالالالالالالالالالالالاص تصرفي وبهالاسلوب تحافظين على كرامتك وماتنزلين نفسك لمستواها لان الحقران يقطع المصران
......الله يقويك حبيبتي....

زوجك وينه ؟؟؟؟شوفي الانسانه ماينفع معها اللي الاسلوب الزفت مثل اسلوبها يعني اذا صرخت عليك صرخي عليها ولايهمك احد وارفعي صوتك واطلعي من البيت وقولي لزوجك ماراح ادخل بيت اهلك مدام هي موجوده وامك وابوك يجوني بالبيت بالوقت الي يبون بصراحه هالانسانه هي ماينفع ممعها الطيب ابدا خليك رسميه وبقوه وسلام وبدون كيف الحال بعد خليك قويه معها وفهمي زوجك بالي راح يصير ولايهمك احد ابدا والله يعينك