اذكري تجربتك مع كتب تعلم الانجليزي

انا كتب الجامعة هي الي فادتني وتطور مستواي جدا .. من الكتب كتب كامبردج وفيها مستويات وبسيديهات تلقينها بالعبيكان
ايضا كتب نورث ستار للفور سكيلز ابحثي عنها وكمان بسيديهات
للقرامر فيه كتب كثيره على حسب مستواك روحي المكتبة وخذي لك اي كتاب يعجبك
وسوي لك جدول كل يوم مثلا قرامر معين وابحثي عنها بالنت باليوتيوب لاتقصرين اهم شي تفهمينها او تسالين عنها هنا
استخدمي كل الطرق عشان تفهمين صح ..
للفوكاب فيه كتاب مره حلوو انصحك فيه اسمه جذور وكلمات للكاتب اعتقد شاكر السعد

واشتري قاموس اكسفورد حلو كمان

وخلي همتك عاليه وبتتعلمين :)

اختى انا انصحك انك ماتتعلمين قراءه

الافضل سماع يعنى تسمعين ملفات صوتيه محادثات او قصص قصيره

لان الاذن هي الاداه الاولى في تعلم اي لغه والادله كثيره


من القران الكريم : ان الله عزوجل دائما يقدم السمع على باقي الحواس


من الحياه : ان الاطفال يتعلمون الكلام من السماااع اولا ويدخل الطفل المدرسه وعمره 6 سنوات

وهو ماشاء الله يتكلم احسن مني ومنك

فعشان كذا اقلك خلي الكتب ونزلي ملفات صوتيه واسمعيهم كل يوم


في البدايه ركزي وعيدي الجمله اكثر من مره عشان تفهمين كلامهم ومع الوقت والتكرار

راح تفهمين بسرعه وبشكل احسن


عندك موقع انجلش فور عرب مصدري الاول للملفات الصوتيه

وعندي موقع اجنبي اسمه LEARN REAL ENGLISH

ممتاز اشتركي في الكورس المجاني ع الايميل


واذا انت مبتدئه مره ابدئي بقصص قصيره راح تلاقي كثير منها ع موقع انجلش فور عرب

وطبعا الملف الكتابي لابد يكون معاهم ياما تقرين الكلام اول وبعدين تسمعين الملف الصوتي

ياما تختبرين سماعك اول وتسمعين الملف الصوتي اكثر من مره عشان تميزين الكلمات والاحرف

وبعدين تقرين النص الكتابي

وبالتوفيق

انا تخصص انجلش و انصحك عزيزتي انك تروحي لاقرب معهد انجلش راح تستفيدي اكثررر و كمان بعد ادوره تقدري تطوري لغتك من الكتب الانجلش ممارسه و المحادثات تطور مستواك بسرعه انصحك بالمعهد

انا سنة تحضيرية عندنا محاضرة الانقليزي 4 ساعات يوميا

ندرس كتب توتش ستوون خلصنا المستوى 1 و 2 و 3 وحنبدأ بــ 4

مرررره روووعة هالكتب لكل مستوى كتابين ستيودنت وورك

لكن ماينفع تتعلمينها لوحدك لازم تحت اشراف مدرسة

شوفي البنات

وربي يوفقك

الله يعطيكم العافية ويسعدكم يااارب