اذكري موقف اللي عرفتي فيه انج حامل

Sh0_0g :

فديتج عقد الياسمين مش قصدي انا اقصد الكل الحمد لله انه رزقنا هالنعمة والله يحسن في خلقه وخلقه ويجعله ذريه صالحه....والله يرزق كل امراه نفسها في طفل ويجعله ربي قرة عين لها ولزوجها انه سميع مجيب...قولوا آمين امين

فديتج عقد الياسمين مش قصدي انا اقصد الكل الحمد لله انه رزقنا هالنعمة والله يحسن في خلقه وخلقه...

بحر الخواطر :

انا سالفتي سالفه.. هههههههه سنتين ما حملت.. وكل ما اسير اي مستشفى ولا عياده ايقولون مافيج شي لا انا ولا ريلي.. وكل ما اسوي تحليل منزلي او تحليل دم مايطلع حمل.. وعقب خلاااص مليت من كثر ما اسوي وطنشت..:09: عقب ماكملت سنتين بالضبط بدون حمل الظهر قبل لا يوصل زوجي من الدوام قلت بسير آخذ تحليل منزلي وبسوي.. (بس جيه من الملل) مع انه الدوره بعدها عقب 3 ايام بتيني.. سويت التحليل وفريته فوق المكتبه لأني اعرف كالعاده بيطلعلي خط واحد بس.. ووصل زوجي من الدوام قريب العصر واتغدينا وصلينا ورقدنا.. نشيت عالمغرب.. سرت الحمام واتذكرت التحليل سرت بفره في الزباله.. اتخيلوا شوووو شفت..؟؟:32: شفت خطيييييين.. انصدممممممممت.. كنت ماعرف اصيح ولا اضحك.. كنت خايفه ايكون اخترب من الظهر عسب جي طلع خطين.. سرت ادور في الحجره وريلي ايقولي شو بلاج ادورين جي شو فيج قتله لا ماشي بسير بيتنا خواتي هناك بسير اشوفهم شوي.. وعلى طووول طلعت على العياده.. <<< قلت اسوي تحليل دم قبل لا افتشل من زوجي.. وسويت تحليل دم وانا انتظر على احرررر من الجمر وطلعت النتيييجه <<<< ماما انتي حااامل.. ماصدقت وعلى طووووول دقيت حق امي ابشرها فديتها.. وسرت اشتريت باقه ورد وكتبت بطاقه بمعنى (إن عندي هديه لك بس بتجهز بعد 9 شهور ان شاء الله):30: وعلى رجعت البيت <<< طبعا كنت متاخره شوي.. واتعرفون الرياييل يوم ينتفخون شوي ههههه وعطيته الباقه <<< واحس هو يقول في خاطره.. متاخره ويايبه باقه ورد بعد ماشي شغل :hahaha: ههههههههه وشفته يفتح البطاقه ويقرااا وينصدم ويفتح عييينه جيييي :blink: ههههه واتغيرت ملامح وجهه من منتفخ لين واحد طييييييب وحنوووون محد احسن عنه:love:.. ههههه <<<< حسيت اني وااااااايد رمست ههههه..:hahaha:

انا سالفتي سالفه.. هههههههه سنتين ما حملت.. وكل ما اسير اي مستشفى ولا عياده ايقولون مافيج شي لا...