صباح الخير
اشلونكن بنات
بدخل بالموضوع على طوووول والله ضايقن صدري من بعض الردود
على هالبنات
انتي يالي تردين بنفسيه وكانك وربي حاقده على صاحبة الموضوع
وش سالفتس وش تطلينها
عجبتس الموضوع ردي وشاركي بنفس طيبه ماعجبتس اقلبي الصفحه
ولى ادعيلها
ترا وربي حرام تجرحينها بكلامتس اللي مثل السم
هذا اللهم ياكافي لو تشوفينها قدامتس تنتفين شوشتها
الله يهديتس ياحبيبتي
والله ثم والله اني ماتجرا ارد رد مو بزين ماتربية على هالشي
يختس الكلمه الطيبه صدقه
وليه تحرمين نفستس هالنعمه
وش جارن عليتس
ترا كلنا محدن يعرف احد ولا وحده تدري عن ظروف الثانيه ولا نحكم على الوحده من موضوعها
قولن لا اله الا الله
وسم بالرحمن واذكرن الله واعرفي انه كل كلمه تنطقينها لوحده من هالبنات
تجرحها وتالمها يمكن تسكت بس ثقي بالله انها تلحقها دعوه عليتس
لكن نقول ان شالله انها تطلع بنت حلال وتسبقتس بالحسنه
وتدعيلتس بالهدايه
ياحبيباتي ترا كلامي مايخص احد وترا فيني طبع اقرا ولا ادقق بالاسم
بس وربي قلبي عورني على هالردود اللي تضيق الصدر
وغير هذا الكره والحقد والنميمه والفتن تزود بالقسم
واخر كلامي ما ابي احد يزعل من كلمة الحق وصفن النيه وكل موضوع
لا تنبشن به خلن الخلق للخالق
والله يهديكن ويصلحكن ويسعدكن
ان شالله تتقبلون كلامي بصدر رحب
والله يهدي الجميع