شهاليلsh @shhalylsh

محررة

اذنبت ذنب كبير في حق زوجي ...ويبغى يطلقني (تكفون حلولكم بنات حواء)

اهلين بنات

بصراحة انا ارتكبت خطأ كبير جدا في حق زوجي

وانا ندمانه اشد الندم

كان معيشني بسعادة وحب
وانا الي دست عليهم برجليني
تكفون لاحد يرد ويقول ليش سويتي كذا
او ايش الي سويتي

بس كل الي اقوله ان فيني من الدين الكثير
ولكن جل من لايغلط
وانا ندمانه اشد الندم بشكل ماتصورونه
بس ابي يرجع لي زوجي مثل قبل
لان قال راح اخذ ولدك منك
بعدين تراجع قال راح اخليك تربينه بس اذا تزوجتي اخذه

انا ابيه ابيه
والله مابي غيره
احبه بمعنى الجنوووون
مادري كيف دست على النعمه الي انا فيها

ماعلم هو احد بخطأي الا امي وامي قالت له سامحها
قال لها هي عزيزة وغاليه علي بس مصدوم منها وبقوه ويبي لي وقت ومادري هو يجامل امي عشان مايضايقها او لا
بس هو اساسا كان يحبني وبقووووه
ويثق في كل كلمة اقولها
والله لو اقول لا يقول لا ولو اقول نعم يقول نعم
بس حسيت من امس انه تراجع عن الطلاق او يمكن يفكر فيه مادري
بس اقرب الضن بيأدبني بقوووووووووه يمكن يخليني عند اهلي فتره طويلة
او يحرمني من كل ماكان يمتعني فيه
انا شاااااااااريته يابنات ابيه وماخليت كلام في الكون مارسلته له والله كلام يهد جبال

ابيه نرجع زي قبل وانا واثقة ان الله قادر على كل شي ويمسح من ذاكرته هالحاجة هذي

بس الي استجد ان اهلي الان جايني بالطريق من مدينة ثانية
واول مره يجوا لبيتي الجديد
وكلمني قال اهلك بيجوون وانا راح اتغير معاك 360 درجة مابي احد يعرف الي بيني وبينك لان موضوع كبير ومستحيل ينتهي بسهوله

هالحين علموني كيف اتصرف معاه لما يجي ويضحك معاي
بيعاملني قدام اهلي زي مايعاملني قبل ضحك وغشمره
بس انا كيف اتصرف وهو كله تمثيل

انا ودي تمثيله ينقلب حقيقه يعني يمثل في البدايه وبعدها صحيح يرجع زي قبل مايستغني عني
بناااااااااات انا نفسيتي تعبانه بشكل ماتصورونه
تخيلي لما تفقدين كل شي حلو في حيااااااااااااتك
قاعده في البيت احسب ذنوبي
وطبعا هو من يوم الخميس الي هو يوم المشكله ماينام عندي في البيت
يطل دقيقتين في اليوم ويطلع ومايكلمني
البارح قبل يطلع قال موعد الولد اليوم الصباح
وودانا الصباح طبعا يكلمني رسمي مره وللضروره
بس هو باااااااااااااااقي الى الان ويبغاني ارجع مع اهلي واقعد هناك لين يقرر وش بيصير
وطبعا اهلي مو جايين ياخذوني لا جايين لشغل هنا
وانا ايضا عندي شغل ضروري في مدينة اهلي وهذا اليوم الي حددنا من زمان اني اروح هناك

واسفه ع الاطاله
انتظر حلولكم على احر من الجمر لان ماااااباقي وقت

136K

هذا الموضوع مغلق.

سفن ابه • 13 سنة

لازم نعرف وش المشكله والله مو لقافه بس كيف نعرف الحل واحنا مانعرف وش الغلط
وعلى اساسه نعرف كيف بترضين زوجك وكيف تبررين وكيف المداخل اللي تلينه عليك
انتي كانك رايحه لطبيب وقايله عالجني بس ماراح اقولك وش فيني

الله يهدي سرك ويفرج همك و ويشرح صدرك ويسخر لك زوجك

الحد الجنوبي • 13 سنة

من كلام زوجك يبغاك زوجته بس الموضوع ان شاء الله تاديب بس

سفن ابه • 13 سنة

غـــديـــر ... :

لا يمكنك مشاهدة هذا التعليق لانتهاكه شروط الاستخدام.

مافيه شي مايتصلح يالغاليه طالما الانسان عايش هو معرض للخطاء ولتصحيح الخطاء
والعفو من شيم المؤمنين

ام هااااجر • 13 سنة

قولي لو ان ربنا بيغفر الذنوب لعباده كيف انت يا البشر ما تغفر وتتسامح؟؟ ما تحب انو ربنا يغفر لك؟

لازمي الاستغفار يا قلبي وربنا حيفرجها قريب

شهاليلsh • 13 سنة

الغلط مو خياااااانه بس زوجي فسره خيانه
وهو اني كنت اراسل واحد بخصوصشغل كبير وصفقة كبيره احصل عليها
وعمري ماكلمت هالشخص او كلمني
وهو متزوج
ومافيه اي عواطف ابدا
بس بالفتره الاخيره صار يشكي لي من زوجته وانا اساعده في الحلول وقمت اعطيه مثال في حياتي
والله مادري ليش غلطت هالغلط
بس زوجي قراء كل شي وقلت له انت شفت بعينك لاخيانه ولا حب
ولكن استغفلته بامر كبير
يااااااااااااااااااااااااارب سامحني
من اعماق قلبي ندمانه