رونق الأحساء @ronk_alahsaaa

عضوة فعالة

اذ كانت الام كذاا ايش الحل ..

اكتب لكم طلب للنصح وبنفس الوقت احتاج دعواتكم لي نبذه مختصرة عن حياتنا امي وابوي من انولدت وهم في مشاكل مو طبيعية ظرب صراخ شتم وفضايح .... المشكلة الاساسية تحريض خالي لأمي علينا وعلى ابوي وتدخله بحياتنا بشكل فضيع وتعامله بالسحر .. حسبي الله ونعم الوكيل وقبل ١٤ سنه طلق ابوي وامي وهاجر عننا بعيد مايبي المشاكل وتعب نفسيا تزوج امراءة عقيم وبنى مسجد وصار الامام وحياته من البيت الى المسجد طبعا امي حلفت ان اللي يروح يزوره تتبرى منه وتطردة من البيت واذ جت الاجازة هو يجي يزورنا ويجلس فبيت اخوي واحنا نسلم عليه طبعا لازم تسوي مشكلة وتدعي علينا وتزعل صرنا نكره الاجازات من كثر المشاكل
المهم فالموضوع انه قبل يومين جا مع زوجته عندنا بما اننا في اجازة زوجي عزمه على العشى ورفض يقول ما ابي تكلفه بجيكم قهوة للعصر فقط واتصل علي قال ي بنتي بجيك اتقهوى طبعا رحبت فيه وبزوجته وحطيت قهوة حلى وكل نعمه وخير وقالي بنفسي رز ودجاج وشويه خضار وسويت له وكنت ادعي ان امي ماتدري عشان ماتزعل معى انه له حق علينا ولاكن امي رافضه هالشيء نهائيا طبعا اللي حصل انها عرفت من وحدة من اهلنا طبعا هذي الانسانه توصل لأمي كل اخبار ابوي والمصيبة ماندري مين هي
امي نادتني قدام اخواتي وعيالهم وصرخت علي وسبتني بأسوء الالفاظ وقالت انا متبرئة منك الى يوم الدين انتي عدوتي بهذي الحياة قلت حطي نفسك بموقفي كيف اطرد ابوي وانا والله ماعزمته زوجي هو اللي اصر عليه يجي قالت اطلعي برااا وممنوع تدخلين هذا البيت اخذت عيالي ورجعت بيتي 😭طبعا اللي ضايقني فالموضوع ان اخواتي محد دافع معي كلهم خايفين واخواني كلموني اتصال يقولون لاتتضايقين هذي امي وطبعها الحين انا وش اسوي ضاقت فيني الدنيا .. لاحول ولاقوة الابالله ربي يعلم بمحبة ابوي فقلبي واني اتمنى اقضي باقي عمري معه اخدمه وابره .. انحرمت منه غصب عني وصبرت ..هل انا صرت عاقه في امي يوم دخلت ابوي بيتي ..؟؟
الله يجعلها جنات النعيم اللي تدخل وتعلق وترد واللي تمر وتدعي لي بظهر الغيب ربي يفرج همومكم واحزانكم ولايوريكم سوء ولامكروه ويحقق كل ماتتمنون ..

يلزم عليك تسجيل الدخول أولًا لكتابة تعليق.

تسجيل دخول

عآشقة.. • 4 سنوات

لا محشومة منتي عاقّة💓
ابوك له حق البرّ عليك زي ما لأمك ..

لا تقطعين ابوك .. و بنفس الوقت لا تقطعين امك
مصيرها مع السنين تستوعب غلطها و تعرف انها كانت مبااالغةة

دامك ما اخطأتي في حقها ف انتِ مو عاقّة

برّي في الاثنين لان اذا مات احد فيهم نقص عليك شخص كان سبب في زيادة اجرك

اميرة هوليود • 4 سنوات

صراحه اشوف تحطينها امام الامر الواقع زي ماهي امك هو بعد ابوك تزعل مره مرتين بعدين تتعود

مسلمة من العوالي • 4 سنوات

اليوم تدقين عليها وتعتذرين وتوسينها بكل الطرق وابوك اعزميه في بيتك طبعا قوليله لا يقول لاحد عشان الحرمة لا تكلم امك

ام لين وزين • 4 سنوات

لا انت مو عاقة بالعكس . سويتي الصح هذا ابوك وهذيك امك ...احسني اليه وادعي لامك بالهداية . خليها تهدا فترة بسيطة بعدين روحي لها وطيبي خاطرها . وربي يحنن قلبها عليك يارب

غربة الوحده • 4 سنوات

والنعم فيك وما سويتي إلا الصح واللي يرضي رب العالمين .
يكفيك قوله تعالى ( ...وإن جاهداك على أن تشرك بي فلا تطعمها وصاحبهما في الدنيا معروفا) والوالدة الله يصلح حالها تجاهدك في قطيعة والدك فلا تطيعينها ولا تخبي عنها تواصلك مع والدك ولازم تعرف بأن ما تفعلينه لله ..وليس عقوقا لها ..ومع الوقت بتتقبل ولو على مضض وزعل مايخالف تحمليها ولا تقطعينها حتى لو طردتك روحي لها واطلعي مطرودة كل مرة وعادي لا تحزني ولك الأجر باذن الله ..

ماشاء الله عليك تبارك الله عاقلة وحكيمة وفقك الرحمن