ارائكم ربي يحقق امانيكم ويرزقكم الفردوس ووالديكم

السلام عليكم ورحمة الله

كيفكم يالغاليات::: اليوم جيت ابي اقولكم وش معاي واللي تجد في نفسها خبرة تقولي،:)

انا يالغاليات كانت دورتي يوم 20/ 12/1432 ،،،،،، الموافق 16/11 نوفمبر 2011

والبويضه كانت بحجم 16 يوم 2/1/1433 ،،،،،،،الموافق 27/ 11 نوفمبر 2011

وأخذت الابرة التفجيريه يوم 3/1/1433 ،،،،،،الموافق 28/11 نوفمبر 2011 بعد العشاء الساعة 9 وربع يوم اثنين

شيكت على البويضة يوم الاربعاء الصباح 5/1/1433 الساعة 8 وربع وقالتلي الدكتورة ان مافيه شيء يعني

بحول الله نزلت تقريبا على الفجر،ورحت البيت وكلمت الدكتور عماد الله يسعد روحه وقلتله عنها قال روحي الان

ونامي مع زوجك، وقلتله طيب النوم مع الزوج متى يتكرر قاللي بعد النوم الاول بست ساعات،

من اول مادخلت البيت شربت محلول يوراليت يو واغتسلت ببيكربونات، وحطينا ثلج للزوج، وكررنا النوم بعد ست

ساعات، وبعد كل نومه مع الزوج اجلس على ظهري ساعتين بالتمام وقد تزيد ولا تنقص، والتوت كان بوضع سجود

اكرمكم الله،الزبدة من السالفة: اني احس بالم اسفل بطني مثل النغزات في المبايض واحيانا ماغص خفيف

مثل الدورة ويروح، ونغزات خفيفة في صدري، وبطني من الاسفل احسه مثل الانسان اللي يبي الحمام تكرمون

وكبدي تتقلب على شوي< مو كثير، وترى بعد اول مرة صار كل شيء عزل من الدرجة الاولى.ههههههههههههه

سويت تحليل منزلي امس السبت بتاريخ 16/1/1433 الصباح وطلع سلبي:44:
ودورتي اكرمكم الرحمن باقي عليها تقريبا 5 ايام وتراها منتظمة ماشاء الله تبارك الرحمن الا الشهر اللي طاف

تاخرت يومين فقط،اللي ابيه هل اعتمد هالنتيجة لانها حتى هرمون الحمل اللي بالابرة ماطلعته،،،،ووش قصة

هالالم اللي صار له اسبوع معي، دعواتكم لي بالحمل بولد:arb:وان ربي مايضيع تعبي، لان نفسي احمل

هالشهر لاني مقدمة على دراسات عليا:) واتمنى ان يخيب التحليل المنزلي:( واطلع حامل وماتجي

الوردة الحمراء الا بالنفاس، وشاكرة مقدما كل من اعطتني من وقتها لقراءة موضوعي او الرد علي وعذرا

على الاطالة فديتكم،واسال الله لنا ولكم تحقيق الامنيات في مرضاته عز وجل،آآآآآمين