ارائكم عن تجديد ديكور قسم الرجال في بيتنا

مساء الخير جميعاً
عندي استفسارات ومالي غنى عن ارائكم

في البداية حابين نجدد من ديكور بيتنا فيكم تعتبرونة " ترميم من جديد"
الإستفسار الاول : مجلس الرجال مقابلة مجلس ثاني واهلي يبون يخلونه وقت العزايم
او وقت مايكون عندنا ضيافة كبيرة الضيوف يأكلون فيه (اقصد شغل المفاطيح)
يعني المجلس للاستقبال والقهوه والشاي واللزي منو , سؤالي هنا كيف يكون شغل
الغرفة الثانيه يعني نخليها كنب ؟ ولاجلسة عربيه .. مفكرين نخلي فيها طاولة طعام بس
يبون يستفيدون من الغرفه بحيث انها تنفع للجلسة او لاستقبال ناس وبنفس الوقت نضيف فيها
ممكن اقتراحاتكم وش نحط بالضبط ؟

الشيء الثاني مجلس الرجال حابه اخلي الكنب زيتي ( النظام اللي يجي بعضه كنب وبعضه كراسي مفردة ) مادري وش يسمونه ستايل اوربي ولا ايش :/
والارضية سيراميك فاتح بلمعة بسيطة
والبوية ابيها من الجزيرة من درجات الاوف وايت ونسوي جبس ؟ وش رأيكم
ممكن اقتراحات للون البوية او افكار اخرى؟

الاستفسار الأخير المدخل حق الاستقبال الجدران بوية من درجات البيج والواجهه ورق
جدران مع طاولة ناعمه وعليها فازة ورد ومرآية دائريه ؟ وش رايكم
لو فيه اقتراحات ثانيه احب اعرف رايكم

وبنات مفكرين حمام الرجال نخليه بيج وبني وش رايكم ؟




ياليت تعطوني ارائكم ولكم دعوة مني ومن الوالدة