الســـــــــــــلام عليــــــــــــكم ورحمه الله وبركـاتـــــــــه
الحمد الله رب العالمين الحمد الله في السراء والضراء اللهم لا اعتراض على قضائك وقدرك ياارحم الراحمين
قبل امس كلمت اعز صديقاتي على قلبي والتي دامت صدقتنا اكثر من 10سنين وبعد السلام والسؤال
عن الحال بدأت دموعها بالانهمار كالسيل فانتض قلبي وبدأت ارجف وبعدما هدأت قليلا قالت لي قبل
اربعه عشر يوما غرق اربعه من عيال خالي وماتوا ..
قالت لي من بين دموعها :
خالي يشتغل في الدوريه البحريه المسؤاله عن انقاض الغرقى وبعدها اصيب في عموده الفقري
اصابه بسيطه قد يشفى منها بعد بضعه اياام وخذ اجازه وفي يوم اجازته طلب منه اولاده ان يذهبوا
الى البحر ولا كنه رفض
وبعد محاولات منهم وافق وقاموا باعداد مايحتجونه في فسحتهم هذه كأي اسره ستذهب الى البحر
وكان عنده 8من العيال وقبل خروجهم من المنزل كانوا يغنوا (لما نستشهد بروح الجنه ) الانشوده
حق قناه طيور الجنه ......
وطبعا خبره ابوهم في الشواطىء اختار لهم الشاطىء الا كثر هدوء والاقل زياره من قبل الناس لكي يأخذوا راحتهم
وبعدها وصلوا وبدئوا بالسباحه على الشاطىء قريب لم يدخلوا الى الداخل
طاحت رجل بنته اصغر بنت في العائله في حفره بها دوامه (دوامه البحر )
وقامت تصرخ باعلى صوت سمعتها اختها اللي اكبر منها بشوي وراحت تبغا تساعدها ولكن طاحت
معها ولاقدرت تسوي شيء وجاء اخوهم اللي اكبر منهم بسنتين حاول ولكن لم يستطع
وجاء اللي بعده وكان المصير مثل مصير اللي قبله ......
وكل هذه وابوهم قاعد يشوف عياله يموتون قدام عينه ولا قدر يتحرك بسبب الاصابه
وقاعد يصرخ ياناس عيالي ساعدوهم ارجووووووووووووووووووووكم يااااااااااااااااناس
(كان في ناس بس عدد قليل )
وامهم تصرخ وتروح عند الناس اللي جالسين على البحر وتصرخ عيالي عيالي الله يخليكم
الله يخليكم ولكن لاجدوى ماحد ساعدهم لانهم ادعوا بأن لا احد يجيد السباحه
قمه العذاب انك تشوف بأم عينك عيالك يموتوا قدام عيونك ولا تستطيع فعل شيء
وفعلا ماتوا والكل واقف يتفرج عليهم الناس تجمعت وتتفرج وكأنه شيء يفرح
وامهم تشوف عيالها يغرقوا ولا تقدر تسوي شيء تخيلوا معي الموقف
وبعدها لقيوا جثتين منهم في اليوم الثاني والباقي لقوهم بعد صلاه الفجر من اليوم الثالث
الحمد الله ولا حول ولاقوه الا بالله
لاحول ولا قوه الا بالله
لا حول ولا قوه الابالله
تأثرت جدا للقصه لدرجه البكاء معها وهي تبكي وانا معها
تقول خالي جالس يقول يعني انا طبيعه عملي انقذ الناس ولا انقذ عيالي يالله ولا ماتوا وانا اتفرج عليهم
ولا قدرت اسوي شيء ..
وقبل ماطلعوا من البيت كانوا ينشدوا لما نستشهد بروح الجنه كانهم كانوا عارفين وحاسين
واصرارهم انهم يرحوا لاحول ولاقوه الا بالله
وان شاء الله انهم شهداء لان الغريق شهيد بأذن الله وللمعلوميه انهم صغار مو كبـار واكبر واحد فيهم عمره 13 سنه
الخبر نشروه في جريده الوطن والريـاض
انا نشرت هذا الموضوع تحذير للناس احذروا لا تخلون عيالكم يسبحوا بعيد عنكم
احذروووووا ولا ترحوا شواطىء الناس فيها قليله لان هذولا الناس لو رحوا شاطىء فيه
ناس كثير كاان ممكن في واحد حاول يساعدهم او واحد يعرف يسبح لكن لا اعترض على قضاء الله وقدره
الحمد الله رب العالمين
اللهم افغر لهم واغسلهم بالماء والثلج والبرد وجميع موتى المسلمين يااارب وأعن اهلهلم والهمهم الصبر والسلوان يارحم الراحمين
اسـفه على الاطاله:(
ملكة بمبادئي @mlk_bmbadyy
عضوة فعالة
يلزم عليك تسجيل الدخول أولًا لكتابة تعليق.
لاحول ولا قوة الا بالله اسال الله العلي العظيم ان يصبر اهلهم ويجعلهم شفعاء لهم يوم القيامه
وجعني قلبي والله موقف صعب
الله يرحمهم ويرحم اموات المسلمين
الله يصبر اهلهم ويربط على قلوبهم
الله يرحمهم ويرحم اموات المسلمين
الله يصبر اهلهم ويربط على قلوبهم
الصفحة الأخيرة
والله قمه العذاب يشوف عياله ينغرقون ولا هو قادر لا اله الا الله اللهم لا اعتراض اللهم اجبر مصيبتهم وارحم عيالهم هذا مكتوب ومقدر
الله يصبر ابوهم وامهم ويعوضوهم ياحي ياقيوم ............