بسم الله الرحمن الرحيم
انا متزوجه منذ اربع سنوات ولدي طفلين فرحتي بهذه الدنيا تزوجت وعمري 17سنه لا افهم شي والان الحمد لله دخلت الواحد والعشرين واصبحت خبيييره وامتلك سحرا لأملك قلب زوجي بعد معاناه مع الحياه مع طفله من نظره ولكن الاصح مراهقه.
الخطا الاول:كنت سريعه البكى ولأقل سبب ازعل واتضايق واصارخ وابكي واحبس نفسي واجلس مبوزه :icon33:ولا احد يكلمني,
استفادتي: ان الحياه ماتمشي كذا ومو اسلوب واخذت عهد على نفسي ماتنزل دمعتي الا لأمر جلل وشي كبير ومافي شي يجي بالصراخ.
الخطاء الثاني:العنـــــــــــــــــــاد وماأدراك ما العناد كنت عنوديه بشكل وراسي يابس ومافي كلام يمشي علي وانا ماغلط ابد ابد ابد واستحاله اقول اسفه او اتسامح منه .
استفادتي:ان الرفق ماكان في شئ الا زانه ولا نزع من شي الا شانه الرفق الهداوه بالطيب بالحنيه اخذ اللي ابيه وزياده واسفه على طول على لساني واحب يده وراسه اذا زعل وماخليه ينام زعلان علي وحتى لو هو غلط ارجع اعتذر واطيب خاطره وبعدها اذا هدا بفتره امسكه وافهمه اغلاطه.
الخطا الثالث.منظري ومنظر منزلي مو رثه بس ماهتم بشي ابد شكلي عادي قريب الى المبهذل وبيتي كمان لدرجه صرت اطلبه بشي يقول مارح اجيبه انتي ماتهتمي بشي ابد.
استفادتي:اهتم لو شي بسيط بيتي اقوم فيه قد ماقدر واسوي اللي اقدر عليه وشكلي اقل شي احط الكحل والماسكر و كريم النهار او الليل وقلوس او روج ثابت خفيف مااجلس بدونها اول ماصحى من النوم اغسل وجهي امشط شعري اسويه حركه بسيطه واحط كريم النهار واكحل واحط مسكره وروج خفيف وردي او لحمي واتعطر وملابسي شكلها مرتب.
الخطا الرابع:اهل الزوج بصراحه وربي ظلموني بس اذا زوجي يحبني عادي ماعلي منهم الاهم ماتجيبي طاريهم بسيئه ابدا ابدا مهما كانت لهم رب يحاسبهم ويجازيهم عايشين عندي بالبيت وربي ما اقدم لهم الا الحسنه بس للاسف اكتشفت يفسرون كلامي واخطائي بمزاجهم وان النيه اهانتهم وانا والله مو قصدي شلتهم وربي لدرجه الاكل اسويه واصحيهم من النوم ياكلون وبعد مايشبعون المه واغسل وهم يطالعونك بنطره اهانه كنت اخبر زوجي واهاوش لكن اكتشفت انه خطا خطا خطا.
استفادتي:اني اعاملهم باللي يرضي الله اولا وثانيا وثالثا واذا اساءو الي ادعي ربي يبين الحق وفعلا اشوفها والحمد لله.
الخطا الخامس:احترام الزوج كنت اعتبره مثل اخوي اتطنز واستهزء واضحك وانكت بدوووووون حدود وهذا خطا
استفادتي:الزوج له هيبته واحترامه بالبيت وامام الاهل والاطفال كل شي بحدود امزح بس بأدب واسوي كل اللي ابيه بس بأدب حتى بالاماكن العامه امام اي شخص يفضل تناديه بابو فلان عني زوجي بكل مكان يناديني يااااا بنت حتى بغيابه مثلا زوجي يرفض البس لبس معين امام الناس مو اذا راح مكان استغفله والبس شي هو مانعه وش بتكون نظره الناس لي وله.
اخيرا الاستغفار وركعتين بجوف الليل تدعين ربك يهديه ويهدي اطفالك لها سحر خاااااص اعملي على ارضائه لوجه الله اتمنى اني افدتكم مثل ماستفدت والله يوفقنا ويسعدنا وكل قارئه
يفضل تناديه بابو فلان
هذى ان شاء الله اقوله
لاني بكل مكان اناديه بسمه حاف
وجزاك الله كل الخير