اربيعتي من أيام الدراسة اكتشفت خيانة زوجها وماقدرت ماامدلها يد المساعدة

هلا حبيباتي الغالياااااااااااااااات
هذي اربيعتي واعتبرها مثل أختي الكبيرة لانها أكبر عني بسنتين ....
المهم ياطويلات العمر ....
ريلها مسوي عمره واحد موووووول ماله خص في الحريم
ودايما يمسح الارقام.....
واربيعتي واثقة فيييييييييه ....
بس دايما تحلم احلام انه زوجها ايعرف وحده ويكلمها ومرات تمسك موبايله وتلقا رقم وحده
هذي الاحلام عطتها دافع انها اتفتش موبايله بعد ماينام كل ماتشوف رقم تسجله عندهاااااااا
تتصل من الشغل تشوف اصحاب الارقام ريايل ترمس انجليزي اونها مغلطة عشان مايعرفون انها مواطنة
اتقول يبين انه زوجها خاين لانه مرات بدون سبب يكون حنون كانه يعوض عن خيانته ومرات عنيف ويصارخ بدون سبب يخلق اي شي بس عشان يطلع من البيت وكانه في حد يسطر عليه.........فا مره من المرات قالت انا ليش ماادعي ربي قامت الليل ويلست تدعي انه الله يكشفلها زوجها اذا كانت له علاقة مع وحده ....والله يابنات اقل عن اسبوع ....كانت ادور رقم الخياطة في دفترها الخاص
وهي ادور لقت ارقام بدون اسماء وماحصلت اسم الخياطة قالت اكيد هذا رقمهااااااااااا
واتصلت الحبيبة واكتشفت المصيبة
اغنية عبدالمجيد عبدالله ....
هي في حالة من الذهوووووول
بعدين ردت وحده وقالت بصوت حلووووووو وهادي آآآآآآلوووه ....على فكرة انا سمعت صوتها لاني اتصلتلها بخبركن بعدين
حسبي الله عليها مادري شواقلكن صوتها حلووو حشى موسيقى حتى اقول لربيعتي برجع ارمسها عشان اسمع صوتها من كثر ماهو حلووووو هههههههههه
لاتتوقعون اربيعتي زعلت من كلامي لانها وحده على نياتهاااااااا يحليلها
المهم نرجع لربيعتي قالتلها أنتي أم عبدالله ...هذيج تقولها لا مب أنااااااااااااااه
بندت واتصلتلي ......انا قلت لازم اعرف منو هاي البنت وكل شي عنهااااااااا ملعونت الصييييير
بعد 5 ايام اتصلتلهااااااااااا عشان اخذ واعطي وياها قسم بالله
ماعرف مب صوت عليها اتغني ماترمس ههههههههههه حتى قلت مالت عليه كنت اتحرا صوتي حلوووو......شككتني في صووووتي .....
استغربت انها وايد هبلااااااا تاخذ وتعطي ويايه مع انها ماتعرفني
تقيمي الها انها عايشة مونسه عمرها ومدلعه على الاخر ....
اصراحه اشك واعتقد شكي في محله انها عشيقته تاخذ منه الي تباه حب وحنان
هذي مب من نوع الحريم الي تحصل حقران وضرب بنعال على الراس يبين انها
غرقانه في الدلع وشكله يربع وراهاااااااا وبشكار عندها طلباتها اوامر
اتصدقن خواتي اقول في خاطري وحده مثل هاي عادي تعفس كيان اربيعتي وتسحب البساط من تحت ريلهااااااااااااا ...وتصرق ريلها بكل سهوووووول ...
بس مغامراتي معاها مانتهتتتتتتتتتتت وانشاءالله اربيعتي بتنتصر عليهااااااااااااااا
قلت لربيعتي ارمسي بهدوء واتحكمي بطبقت صوتج وادلعي شويه هذا حلالج تقول احاول خمس دقايق بعدين اتعب....البارحة سوينا بروفه ...واليوم مكلمتني تقول ريلها قالها احبج ههههههههه وهالكلمة من اشهور طويله ماسمعتهاااااااااااا
ان شاءالله خييييييييييييييير ادعولها حبيباتي الله يردلها زوجها ويبعد هذي الواطيه عن زوجها كما باعد بين السموات والارض آمييييييييييييييييين
وبكتبلكن مغامراتنا وياهذي المهزلة ...........
واي وحده عندها نصيييييييييييحة لاتبخل عليناااااااااااا
:26: