وعليكم السﻻم ورحمة الله وبركاته 

اول شي حبيبتي الله يفرج همج ويرزقج من حيث ﻻ تحتسبين بالزوج الصالح اللي يكون ذا دين وخلق وكما تتمنين اللهم آمين 

ثانيا انا صارلي نفس موقفج الشخص ما يعيبه شي الكل مدح فيه وباخﻻقه كما ذكرتي لكن انا لم اقتنع به الاهل كانوا مقتنعين ومشيت الموضوع عشانهم وصارت النظرة الشرعية وكان فيه قبول من طرف العريس وع اساس يتم كل شي والاتفاق بين الرجال وصار اني دعيت من كل قلبي اذا كان فيه خير الله يتمم كل شي على خير ويرضيني به وتوكلت عليه بحيث اني خﻻص نسيت الموضوع وكان هذا بالاربعاء وتحدد يوم للاتفاق النهائي اللي هو السبت ويكون بحضور الرجال وسبحان الله صارت مكالمه يوم الخميس بين العريس واخوي واتفقوا انه يشوف النظره الشرعية مرة ثانية ع اساس انه ما شافني زين ف المرة الاولى وانا وافقت وصارت النظره يوم الجمعه قبل موعد الاتفاق بيوم وجا يوم السبت وﻻ رد والاحد رد الرجال انه مافي نصيب سبحان الله الحمدلله كنت موقنه بالله وسبحانه استجاب لي  .. استخيري وتوكلي عليه سبحانه اساليه بصدق ويقين انه ييسر الخير لج وصدقيني بيعطيج فوق ما تتمنين وبيرضيج وبيرضيج وبيرضيج واذا ف بالج مواصفات معينة ادعي الله وكوني وااااااااثقة انه سبحانه بيعطيج كما تتمنين واكثر ..

بالنسبة لردج اللي فوق ﻻ اعلم صراحه لكن ثقي بالله انه سبحانه ما يكتب امر اﻻ فيه خير للانسان واذا كان لج خير ف هذا الموضوع فسيتم واذا ﻻ سبحان الله فسيصرف عنج والله يكتب لج اللي فيه الخير لج ويرزقج كل ما تتمنين اللهم آمين 

موفقه وﻻ تنسيني من صالح دعائج ^_^ 

استخيري

ااااااااااااااخ انا انخطبت من شهر 11 وشبكتي صارت بعد عيد الاضحى.. انا شفته بالشوفه عادي جداا ماحسيت باي احساس جاني المهر وطلعت وشريت وشريت علما زواجي تحدد شهر 5
بس الى الان في داخلي تردد الى الان ما تملكنا وانا محتاجه اكلمه واعرف طبعه
الي صدمني بعد الشوفه بكم يوم والموافقه اتصلوا علينا وقالوا ان الولد مايبيها تتوظف في مستشفى او بنك !!! حسيت انه معقد وانه من الان يبي يسيطر علي علما ان طموحي اكبر بكثير واخاف يوقف قدام طموحاتي
حسيته تاخر بالملكه واتصل عليه اخوي من اسبوع يقول متى ناوي تتملك عشان يمديكم تتعرفون على بعض
جاوبه جواب غبي !! انه بعد مايلقى سكن بيتملك !! الزواج باقي له شهرين ونص والى الان مالقى السكن
وانا بصراحه افكر تفكير جدددددي اني افسخ خطوبتي لاني بجد بجد ما ارتحت :(

خواتي. ،،،،،امونه القموره ،، رذاذ الثلج،،،، على الاقل انتو سويتو شوفه شرعيه ،،، لكن انا لما طلبنا الشوفه الشرعيه وتكلمنا معاه وانه هذا من حقك وزمان غير الحين،،، طبعا رده لامايحتاج ، ،، طيب هو مقتنع انا كيف يعني مالي نظر ؟؟؟؟؟؟ ،،،لان هم عائلتهم ماعندهم شوفه شرعيه ،،، امحق عادات ،،،، ودي نطلبها مره ثانيه بس احسها صعبه لانتا طلبناها قبل ،،،

اختي blanco 

اكيد من حقج تشوفينه نظرة شرعية 

بسالج عندكم صار الاتفاق بين الرجال خﻻص يعني بس باقي التحليل والعقد ؟؟ 

اذا ﻻ ممكن اخوانج وابوج  يطلبون يشوفون العريس ويقعدون معاه عشان يعرفون كيف اهو وكيف تفكيره ويسالونه عن اي شي انتي حابه تعرفينه عنه وبالمرة يدخلونج النظرة الشرعية عنده طبعا ما بيقدر يرفض

نحن عندنا قبل النظرة الشرعية الرجال يجلسون مع العريس واذا كل شي تمام تدخل البنت النظرة الشرعية وفي عوايل ﻻ على طول النظرة الشرعية كل عايلة وعاداتها 

والله يوفقج وييسر لج كل الخير يارب