ارتحت بعد ذا الحلم مفروض ماعد أحزن عليه.😭

حمدلله ي بنات. اليوم حلمت حلم احس قلبي ارتاح.
بنات البعض عارف قصتي مع زوجي المتوفي قبل سنتين وأشهر. وكيف كنت احبه وبعدين ساءت العلاقه بيننا بسبب إصابة ف الحد الجنوبي أثرت ع دماغه.


الحلم..
تحلمت اني شفت زوجي لابس بذلته العسكرية ويمشي مع رجال لابسين بذلاتهم العسكرية.وكانوا يمشون وكنهم رايحين لمكان سوا. ولمن لمحته من بعيد قلت ل اهلي شوفوا هذا فلان زوجي وكنت ابكي واصيح
بعدين ركضت لعنده واقول له انت فلان(أسم زوجي)صح وهو يبتسم ومسك بذلته من عند صدره عشان اقدر اقرا اسمه. ولقيت اسمه الثلاثي مكتوب. وفررررحت واقول له انت ححيي انت حيي وحظنته وانا ابكي بقوة وهو حظني وكان يمسح ع شعري بيده وكنه يهديني عشان اسكت وبعدين ناظر فيني وقال خلاص لاتبكي وكنه جالس يطمني م اتذكر كلامه بس هو كان يطمني وكنه يقول لاتبكي انا مافيني شيء وكان يبتسم بعدين ودعني وراح مع الرجال اللي لابسين بذلاتهم العسكرية وكانوا يمشون سوا وانا اناظرهم وهو يمشون رايحين... انتهى