ارتفاع هرمون fsh وعالجته ولله الحمد، وعندي سؤال مهم.

السلام عليكم ورحمة الله وبركاته
كيفكم صبايا؟
بقولكم قصتي مع ارتفاع هرمون fsh ولله الحمد على كل حال.. وبعدها عندي كذا استفسار ياليت تردون علي وأكون لكم من الشاكرين :)
قبل 4 شهور كان عندي موعد في التخصصي الملك فيصل في الرياض. وجاء عندي الاستشاري والدكتورة وحسيت إن الوضع ما يطمن وقال ليّ الدكتور هرمون fsh عندك مرتفع، وصل 15 والمفروض ما يزيد عن 12، وهذا يعني إن مخزون البويضات قليل، وبنحاول معك مرة وحدة في أطفال الأنابيب وإذا ما نفع نقفل ملفك :(
طبعًا حالتي ما أوصف لكم وقتها، يرثى لها وأحس قلبي يألمني مرررة
المهم الشهر اللي بعده حللت عن هالهرمون وطلع 9 وفرحت مرة، وتركت حبوب منع الحمل، وقست الشهر اللي بعده وصار الهرمون 18 ، ومخزون البويضات 0,6 وتألمت وقتها كثير وبدأت ابحث عن حل لهذي المشكلة ولقيت ملفاتكم اللي قبل وقرأت معظم الصفحات وصرت اراجع عند دكتور في مستشفى خاص ولاحظت بأعراض ارتفاع الهرمون مثل جفاف المهبل وألم الصدر، وقال الدكتور مالك حل إلا بحبوب منع الحمل، والآن ما يمديك تأخذيها لأنك نصف الشهر لازم خامس يوم من الدورة، المهم طلعت من عنده ورحت لمحل أرمال وشريت حبوب فاتكس vitex وحبوب زهرة الربيع، وبعدها رحت للصيدلية وشريت حبوب فيتامين ب، وكبد الحوت، وطلبت من أي هيرب حبوب داهيه dhea وهذي كلها من نتائج تصفحي لملفاتكم، واستخدمت هالأدوية لمدة 12 يوم تقريبًا وما شاءالله جات الدورة وعملت تحليل هرمون fsh وطلع 4,8 ولله الحمد. والآن سؤالي وش رأيكم أخذ حبوب منع للحمل الين ما يجي وقت دوري في عمل الأنابيب في التخصصي؟؟