ارجعتلكم بوصفه تخلي الشعر حرير ولمعه ومنظر صحي مجربه مني شخصيا

السلام عليكم ورحمة الله وبركاته

كيفكم بنات طبعا مثل ما استفدت من هالخلطة حبيت افيدكم لانها تجربه شخصيه واتمنى اللي تستفيد من الخلطة تدعيلي دعوة حلوة بالزواج

اولا الكثيراء وكلكم اكيد تعرفونها

تجيبي الكمية اللي تناسب شعرك وتنقعيها بمويه تغلي قبل بيوم اذا مستعجلة انقعيها بماء مغلي واتركيها فترة ثم اخليطيها بالخلاط (( في حال كنتي مستعجلة ))

وبس تتجانس وتذوب وتصير مثل الجلي تضفين لها هذي الزيوت بالذات شويه زيت دابر املا الاصلي وشويه زيت خروع واهم زيت بالخلطة ركزوا (( زيت الجرجير الاصلي )) وتخلطي الزيوت مع الكثيراء وتضعيها على راسك مع مسجات وتخليها تتغلل في جذور فروة الراس وكامل الشعر ثم تغطيها بكيس مال حفظ الطعام الشفاف

تتركينها قد ماتقدري كل ما طولتي كانت النتيجة اكثر

النتائج

نعومة ولمعه بالشعر وتغذيه اللي شعر خش او مموج رح تصير الطعجة تمد ويصير منظر الشعر صحي وجنان
مع الاستمرار عليها النتيجة شعر طويل ورح تلاحظين بعد عدة مرات من الاستخدام انه ينبت لك شعر جديد يعني تغزر الشعر بالاضافه الى انها تسود الشعر (( واللي ما تبي شعر اسود لاتضع مع الخلطة زيت دابر املا ))) لانه يسود الشعر وسلامتكم