ارجعى بقى يما من التوهة@ فى حبك يا مصر

نفسى اصحى يوم من النوم
الاقيكى يما رجعتى من التوهة
ارجعيلى بقى دنا عاييش فى دوخة
مستنى الصبح اللى بقالوا كتير غايب وليلى بقى طويل وملوش اخر
ارجعيلى بقى يما انا توهت فى التوهة
قاعد على باب حارتنا مستنى اى حد من بعيد يجى يرجع لينا فرحتنا
يرجع لينا ريحة نسيم المطر اللى بقى ريحته دم وغبر
مستنى ابن يتولد ومعاه صبح يتولد و...معاه حق يتوجد
ارجعيلى بقى يما دنا تعبت من التوهة
دوختنى ووقعت فى وسط الزحام من التوهة
عيونى من البكا ما بطلت وقلبى من الوجع تعب
ونفسى اتسدت حتى عن الامل
بس يما انتى عودتينى انك فى الزحمة بتيجى تاخدينى
خايفة عليا وفى حضنك من العالم بحنانك تخبينى
ارجعى لى يما دنا تعبت من التوهة
ارجعى بقا انا خايف وحيد
مملكش غير شعاع امل شايفة جاى منبعيد جديد
ارجعيلى يما تعبت تعبت ووقعت وسط كل الزحمة دى من الدوخة
ولسة عايش يما فى توهه