ارجع لزوجي ولا ابقى ببيت اهلي..>>دمج التكملة ص10

حصلت مشكله بيني وبين زوجي وضربنيورحت بيت اهلي زعلانه طبعا الموضوع طويل جدا اخذ له الان سنه كامله زوجي جا واعتذر للوالد وحاول ومعاه وحاول يرضيه بكل الطرق وبابا معصب وماسك كلامه هو يقول انا مابغاها تطلق ابغى ارجعها بس كل مره يطلب طلب غير من زوجي ولما يسويه يطلب شي ثاني
من بين الاشياء الي يقولها كان طالب بالاول تعهد من زوجي انه مايضربني تعهد خطي وزوجي وافق
الحين غير رايه وقال ابوك يكتب التعهد احسه يبغي يعجز زوجي
هو يقول احسن خليه ينذل عشان يعرف قيمتك وماعاد يعيدها بس خلاص الان له سته شهور او اكثر وهو يذل ويسحب فيه وزوجي صابر لاتقولين روحي كلميه رحت كلمته بدل المره مليون اخر مره لما قلت له خلاص بروح بيتي قال بجيب الحكومه تتفاهم معاك ولما قلت اناموافقه جيبها قام بيضربني ودخلت ماما وفكت بيننا
ماخليت طريقه ماكلمته فيها بكيت وترجيته يرحمني وترجيته عشان اولادي مافي فايده وهو يدري اني الحين تعبانه واخذ ادويه اكتئاب واراجع عند نفسيه يقول ماعليكم منها انا اعرف علاجها بس صبركم
الان زوجي يقول لي تعالي اخرجي امشي بيتك لمتى بنجلس مفككين انا كمان تعبت مابغي رمضان يدخل وانا بعيده عن زوجي شوروا علي تكفون
للعلم الكل بالاول كان رافض خروجي بهذه الطريقه من بيت اهلي وبعضهم كان يقول روحي اطلعي ابوك مو صاحي الان بالنسبه لموضوع خروجي صار الكل مقتنع فيه بس بعضهم يشجعني عليه وبعضهم مو رافض بس مايتكلم يعني ماصار احد يرفض خروجي
حتي كثير من اهلي الي سمعوا موضوعي من بعيد يقولون اخرجي
انا الي مانعني شي واحد انا كل مشاكلي مع زوجي بسبب اهله وولما كنت اتحمل تمادوا وكانوا يقولون تخاف من ابوها ماتقدر تروح بيت اهلها وعرفت هذا الشي من واحده من اهل زوجي
انا ماكنت خايفه من بابا بس اعرف بابا هذه حركاته
الحين لما يشوفوني خرجت بدون رضاه يتمادوا علي من باب انه ماتقدر تروح لابوها
واحيان اقول لا اعتقد جربوه وعرفوا وكاعتقد يفكرون مره ثانيه يعرضون نفسهم لموقف زي كذا لانهم شايفين الموضوع علي اخره شكه ابره وينخرب بيتي
ايش رايكم شوروا علي
لاتجي واحده وتقول ضاربك وبترجعين له ولامتصربعه علي رجعتك لبيتك انا عندي اولاد ومابغاهم يتعقدون نفسيا الضرب مو جريمه تؤدي للاعدام طالما اعترف واعتذر وقال مايكررها احسن من انه اتزوج واحد جديد واضيع عيالي وفي الاخير ارجع اربيه من اول وجديد واعلمه مايضربني

ردود علي البنات
الي تقول عمك وخالك
ماعندي اعمام وخوالي متجنبين بابا اصلا هو معروف انه وقت المشاكل الناس تتجنبه لانه ياخذ حقه وبزياده ومحد يبغي يتشاكل معاه
الي تقول يجونكم عالبيت ويجيب اهله معاه هذه صعبه بدون موعد بيت اهلي بمدينه وزوجي بمدينه وبيت اهله بمدينه هي كلها قريبه من بعض يعني مسافه ساعه نص ساعه بس صعب يكون موعد فجاه لانه اصلا بابا مايجلس بمدينه واحده 24 ساعه كل يوم بمكان وكل وقت بمكان علي حسب شغله ومانعرف له وقت فجاه يدخل وفجاه يمشي من عندنا خصوصا انه متزوج اكثر من حرمه