ارجع له ولالا بعد الي سواه

السلام عليكم

اتمنى اني اكون صديقة للجميع هنا وانا احاول اشاعد الاخوات بالي اقدر عليه واليوم بحط موضوع ابي اراء متعددة وابي تقولين وش رايك لو كنتي بوضعي

طبعا سبق وحطيت مواضيع عن مشاكلي مع الي يتسمى رجلي وانه سئ ويضرب وبخيل ويهين
المهم واخر مرة قبل تسع شهور سوى نفسه بيخطف ولدي كذا بس ومن بعدها ماعاد طلعت معه وصارت سالفة ورجع ولدي ولاعاد كلمته وصار يجي للبيت ومااحد يعطيه وجه الى قبل رمضان كلمتني اخته وقالت بيخطف الولد عشان ترجعين وبعدها اخواني عشان يهجدونه قالو نجتمع فيك عشان الصلح وقالو اطلعي وطلعت بس والله طلعت وانا حااااااقده تعرفون الي يضطهدك وانتي صابرة عليه كاسرني ومحطمني وقاهرني ياناس احس يسوي فيني تعذيب وممارسات اجراميه حسبي الله عليه واخر شي تساوت معك انا مثل كذا طلعت ومغيراخزه بالنظرات غصب عني واطير عيوني فيه وهو منكسر عند اخواني وقلت له بصوت عالي ياحبيبي ليش تضربني ماوراي رجال ؟؟؟؟؟؟

وهدوني اخواني ولاشكلي كنت ابقوم اطب عليه من قهري
وطلعنا من الاجتماع بدون فايدة الرجال نفسه نفسه وبالمثل يقولون ذيل الكلب ماينعدل
المهم ومازالت السالفة قائمة
واخواني الصدق الناس غاسلين ايديهم منه لانه الصدق مايستاهل
والحمدلله :44::44:
لكن والله ماكسرني الا ولدي راحمته لايمكسف فيه هالمجرم ويخليه وسيلة لقهري



ياناس انا بنت ناس وشفت عنده المر لدرجة انه كان اذا دخل علي وانا جالسة على الكنب يقولي ليش جالسة اشتغلي
وكنت حامل اول مااخذته وينزل معي دم ويقولي اشتغلي اختي معها دم وتشتغل واخته جايبه خدامه واختها كانت تروح لها تساعدها
افعال كراهية مااحد يصدقها

وامي تبيني اتحمل تقول يرزقك الله عييل وكيفه بعدين خليه يطلق

انا كبيرة وماظنتي وراي عرس بعدين ومطلقه قبله مرتين وعندي بنت

بس معد اتحمل حتى بنتي عايشه عند امي ويكرها ويحقد عليها ويحقد على اهلي


وش اسوي الرجال مهوب متعدل واخوي يقولي يابنت الحلال ماظنتي ذا يتعدل حتى لو كتبناه تعهد

والطلاق ماابيه اخاف بكره بنتي محد يبي يخطبها يقولون امها كذا وش نبي بها

وانا والله استخير بالطلاق ووالله ودي يعلق الله نصيبي بس اخاف هالرجال يجيب بي بلا ولاعاهة


الي تنبي تدخل تجرح ولا تكلم بي رجاءا توفر على نفسها
والي داخلة تقول ابنصح لها تتفضل والله يكتب احرها