ارجوا مساعدتي في تأثيث المنزل

اختي العزيزه

الله يكون بعونج تأثيث بيت كامل!!! .....:eek:

ارجع واقول لج مثل ما قلت لاحدى الاخوات

اول شي اخذي جوله بالاسواق قبل لا تفكرين تأثثين

ثاني شي اشتري كم كاتلوج للاثاث تلاقينهم بالمكتبات وفي مجلات بعد مثل البيت المثالي

الكتالوجات راح تغنيييج عن الاستفسارات وتعطيج افكار رهيبه .. خصوصا الكتلوجات اللبنانيه ...:o :23: روووووووووووووعه

ثالث شي... احصري احتياجاتج شوفي مثل الصالات شنو نوع الاثاث اللي تبينه فيها شرقي مثلا غربي اطقم جلسات .....الخ

انا بالنسبه للي انصحج بان الوان الاثاث اللي راح يكون في اماكن الاستعمال الدائم تكون الوان تتحمل وما يبين فيها البقع بسرعه خصوصا اذا كان البيت فيه اطفال..

ثاني شي البساااااطه في كل شي ... التكلف والبهرجه في كثير من الاحيان تخرب الشي بدال لا تجمله
ثالث شي تصميم بيتج حلووو ومن النوع اللي ما فيه عيوب واضحه ما شاء الله ... يعني تقدرين تتصرفين فيه بحريه

وان شاء الله اكون افدتج:o :23:

السلام عليكم ....
هلا ياقمر

اول شي مبروك عليكم البيت ..
ثانيا : انتوا في اي مرحلة من البناء الحين ؟
هل في طراز معين تحبيه ؟؟
وين الدرج مو واضح في المخطط ؟؟
الغرف اللي كاتبة عليها مجلس عربي . ناوية تخليها مجالس ..؟؟
لاني اشوف عندك مجالس مو محتاجة مجالس اضافية
الغرفة اللي عند المدخل مباشرة انسب تكون مجلس للنساء ؟؟
والغرفة الثانية بالامكان فتحها على الصالة وتكون جلسة اضافية ؟؟



اتمنى تعطيني تفاصي اكثر عن المبنى وان شاء الله نفيدك ...

هلا والله بلاخوات الشـــــوق وأم الجود
مشكورين على مروركم واهتمامكم اللي ماهو غريب على اعضاء هذا المنتدى الرائع...
اختي الشـــــوق بصراحه نصايحك جدا رائعه, فعلا انا احب البساطه في الاثاث وعدم التكلف والبهرجه الخ...
اما بالنسبه للاستفساراتك اختي أم الجود بجاوب عليها بالتالي:
ثانيا : انتوا في اي مرحلة من البناء الحين ؟ تونا منتهين من اللياسه.
هل في طراز معين تحبيه ؟؟ نعم الطراز الغربي لمجالس الرجال والنساء والصاله.
وين الدرج مو واضح في المخطط ؟؟ فعلا مو باين لانه خارجي.
الغرف اللي كاتبة عليها مجلس عربي . ناوية تخليها مجالس ..؟؟ هذي مجلس عربي ارضي للنساء (قعدات ارضيه).
وياليت تفيدوني بالاماكن اللي احط فيها النبتات الزراعية وكذلك توزيع السجاد واللوحات.
ولاتنسون المداخل (الرجال والنساء).

اختكم قمـــــــــــــــــــــــــر

هلا فيكم
تصدقون انا كمان في مرحلة التشطيب
خلصنا من معضم السيراميك
باقي المطبخ والصالة الرئيسيه
الله يعينكم ويعينا ويعين كل اللي يشطبون

اختي قمـــــــر مبروك المنزل ويارب تتهنوووووون فيه:o... اختي ياليتني اقدر افيدك بس :06: مااعرف للبرامج هذي....بس انا متاكده ان الخوات مايقصرون معك..وانا شايفه مشاركه للاخت فتاة القران وساعدوها البنات مثل الاختوات (أم الجود و ملكة الحسن). والله يوفقك...

اختك الياسمين:26: