ارجوا من الكل ق ... سبب طلبي للخلع

السلام عليكم ورحمة الله وبركاته
اخواتي الفاضلات حبيت اقولكم قصتي وهذي اول مشاركه لي بهالقسم
اولا الحمدلله على كل شي وانا راضيه بالقضاء والقدر والي كاتبه لي ربي
قصتي يافاضلات انا تقدملي شاب اهله ناس طيبين احنا مانعرفهم زود المعرفه بس في قرابه من بعيد من ناحيه ابوي
المهم يمدحون بولدهم وانه طيب وانه يقول مايبي غيري ومن هالكلام مع ان استغربنا من كلامهم انهم مايعرفونا بس امي وخالاتي قالوا يمكن سمعوا فيك ولاشافوك بمكان انا بالبدايه رفضت بحكم انه بيسكني بعيد عن ديرة اهلي وانا صغيرة ماقوى بعدهم المهم قالهم ابوي سبب رفضي وكانوا متمسكين فينا قالوا لا ماراح ياخذها وراح يقدم نقل وان شاءالله مايجي الزواج الا وهو هنا عندكم المهم قالوا لابوي عطها فرصه تفكر احس كل ماقلنا شي قالوا اهله خلها تفكر كانوا متمسكين فينا بطريقه عجيبه وكانوا راح يكتون الكتاب انا رفضت قلت اشلون نكتب الكتاب واهله ماجوا شافوني قالهم ابوي قالوا خلاص يجونكم الاهل جوا اهله وشافوني وماشاءالله ناس طيبين بعدها ماردوا احنا استغربنا وش فيهم ماردوا واول قالوا نكتب الكتاب احنا نبغاكم مو لازم حتى الاهل يجون ومن هالكلام بعدين دقوا على ابوي وقالهم اتاخرتم بالرد قالوا الولد يستخير صراحه غريبين شلون يستخير الحين وقبل كان متهلف انه يملك علي حتى بدون مااهله يشوفوني بعدين قالوا خلاص اعملوا التحاليل بسرعه قبل لايسافر وعملناها وكتبنا الكتاب وجلس معاي بعدها واصر على اهلي الا يبي رقمي ويبي يكلمني لان الفترة طويله لان العرس بالاجازة وبدا يكلمني كان بالبدايه عادي وكنت احكيه عن يومي بالجامعه كان يتضايق اذا قلت له كلمت وحده ولا اتعرفت على وحده كان يقولي مرة لاتكلمين الاغراب كنت استغرب منه بس امي وخالاتي يقولوي يغار عليك وكان كل مايكلمني يمدح فينيي وانه ماعمره شاف مثلي واني واني... صرراحه كنت استغرب من مبالغتة في الوصف واستمريكلمني وكان طيب معاي بحدود شهر ومع بدايه الشهر الثاني قلب علي يدق ويقذفني بكلام عن اخلاقي وشرفي وان طريقي غلط واني ماني زينه انا انهرت من كلامه وكان يقولي لاتقولين لااحد لان لااهلك لوعرفوا انتي بتروحين فيها عباله انا خايفه من شي وان انسانه عارفه نفسي واهلي ولله الحمد واثقين فيني
انا ماسكت خبرت اهلي بالي قاله لي ووصل الخبر لااهله وهم انصدموا لان الكلام قوووووي الي قاله وكلموه
ودق عليه ابوي مارد ودق اخوي ورد لانه مايعرف رقمه ويقول لااخوي عندي ادله ومواثيق اخوي قاله اذا كنت صادق جيبها قال طيب اذا جيت اجيبها وبعدين قام يتصل ومارديت عليه قلت معد ابيه مو صاحي ذا وحاول ابوي وقال طلاق لا بعدين دقوا اهله على ابوي يستسمحون وانه قال هالكلام بدون قصد ويدق علي ومارديت ويرسلي رسايل انا جالس ابكي ويترجاني ارد ومعد يعيدها وقال لاابوي اجي اسلم على رجلك بس لاتخليني اطلق انا احبها ويبكي ويقول احلف على المصحف في الحرم معدد ازعلها الي استغربنا فيه انه يبكي وقالوا اهله خلاص انتهى الموضوع بعدين رديت عليه بعدالرسايل الي حرقت جوالي من كثرها واتصالاته لليل رديت وقام يعتذر وعطيته الي بداخلي كله من كلام وكان ساكت بس يقول خلاص معد اعيدها انا احبك بعدين اخذ فترة تعدل ورجع مثل اول ماخلص الشهر الا وهو طالعلي بسالفه من العيار الثقيل لا وهالمره كان متاكد وواثق من كلامه ويقولي المرة الاولى شلت عنك السالفه وقلت انا غلطان مع اني ماني غلطان وكل الي قلته فيك صح وان طريقي مو صحيح واني اعرف عيال والي يقهر يعدد اسماءهم وانا الله شاهد والكل عارف اخلاقي والكل استغرب من كلامه الي قاله يقولي انتي فيك وفيك ....
اصلا يقولي كلامك وصخ قلت ليه قالي ترسليلي رسايل وصخه قاله ابوي ورينا ياها قال هي الرسايل عاديه بس هي تحط بالرساله زخرفات يقول النقطة معناها وسسسسسخ قلت النقطة يقول اي
ابوي قاله عادي انا تجيني رساله فيها نقطة عادي مافيها شي يقول لا انا اقرا النقطة شي ثاني وبعد ماكلمه ابوي حس ان فيه شي كلامه ملخبط ساعه يشكك باخلاقي واني مب زينه وشوي يقول مااحصل مثلها واذا طلقتها احرم الحريم من بعدها وماراح احصل مثلها قلت لاابوي هذا مريض نفساني يا معه وسواس قهراني لان كثيرقال تشخيص حالته يا وسواس قهري ياانفصام لاانه يايقول شي بعدين ينكر ولا يكذب ويصدق نفسه عاد قال ابوي لااهله هذا مريض نفساني خليه يطلق وسال اهله هو في شي قالوا قلنالك من قبل فيه شك قالهم لاماقلتولي شك قلتوا فيه غيرة ققالوا قصدنا بالغيرة الشك وهو مجنن اخواتي بالبيت موريهم الويل
قالهم الحين تقولولي ووالله انهم يكلمون ابوي ويسبون فيه حسبي الله ونعم الوكيل الحين قالوا كذا وينهم من اول
وطلبنا الخلع وناحل يقول طلقت يوم كلمه ابوي لان بعيد عن ديرتنا قال خلاص نويت اطلق قاله ابوي طلق مابي بنتي تتعلق قال طيب وماطلق قال اخاف مايعطوني المهر قاله ابوي لابعطيك ياه وبعطيك كل الي جبته لبنتي وراح ابوي عطى كل شي اهله مع ان لو اشتكينا عليه المهر ماياخذ منه ريال على الي سواه والقذف الي قاله بس ابوي مايبي يخرب العلاقه لانهم يعتبرون من قرايبه واخيرا تكرم وجاء وطلق انا عطيته كل الي جابه وهو مافكر يرد الهديه الي عطيته ياه وقلت لابوي مثل ماقال جيبوا اشيائي خليه يجيب هديتي قال ابويه لاعيب خلاص وش تبغين فيها
هذي قصتي يابنات مع ان ابوي واخوي يقولون اكيد استفزيتي بشي وانا الله شاهد اني كنت مسايرته على كل شي يقوله وربي ماقد قلت له شي يزعل ولا غلطة عليه الي قاهرني كنت طيبه معه حتى وهو كذب وافتراء علي كذب كنت موكله امري لله الي قاهرني اخوي يقولي يمكن اعطيتي رقمه احد يطفشه بالله وشلون بسوي كذا وهذا الشخص بيصير زوجي لهدرجه ماعندي عقل ؟
بس الي اقوله الحمدلله على كل حال واردد دايم هذا قضاء وقدر واللهم اجرني في مصيبتي واخلف لي خيرمنها
وان شاءالله يرزقني الزوج الصالح الي احسن منه وافرح امي
والله يابنات اني اظهر للكل اني قويه ومااثر فيني شي بس بداخلي اموت لدرجه شبه انعزلت عن الناس احس الكل ينظراني ماني قد مسؤوليه ويشهدالله اني اتحملت بس خلاص ماقدرت واشوف الشماته بعيون قريباتي الي ماتزوجوا
والي حتى مافرحولي من البداية
وش رايكم بقصتي؟؟؟؟؟
وادعولي الله يرزقني بالي احسن منه وانه يسك لسانه لان هو متاكد على قوله من الي يقوله
والناس ماترحم خاصة السالفه الي كذبها قويه كل شي الا الشرف حسبي الله عليه...
الي صارلي ماتمناه لالصديق ولالعدوا
وجعل محد يذووووق الي ذقته ........