ارجوا من كل بنات عالم حواء الدخول مشكلتنا مع اخوي العاق الوالدين

السلام عليكم ورحمه الله وبركاته

خواتي راح اذكر لكم المشكله مع اخوي
قبل فتره 3 سنوات اخوي قال لنا ابقيكم تخطبون لي بنت الحلال كلنا فرحنا حق الخبر بما انا الاخت العوده جفت له عروس وهي تصير بنت صديقتي طبعا السالفه اذكره لكم باختصار رحبوا وتم التعارف بين الطرفين وبيتي كان مفتوح لهم طبعا بحضور ام البنت وتم التفاهم وطلبوا مهر كثير قال اخوي انا مااقدر ادفع ذي المبلغ طبعا وافقوا بعدين على المبلغ الي اخوي دفع لهم بقوا حفله الخطوبه تكون عندي بالبيت فوافقت في البدايه واشترطت ان الحفله تكون حق الكبار من غير الصغار من اليهال قاموا هم زعلوا قالوا ما يصير عيالنا ولازم نجيبهم الحفله قلت لهم بيتي ما يسع الكبار والصغار قامت تقول لي ام العروس مو لازم تعزمين اهل زوجك وصديقاتك قلت له اشلون ما اعزم اهل زوجي والحفله بتكون في بيت اخوهم المهم اخوي قال الحفله بنسويه في قاعه وعزموا الي تبون قامت الام والعروس يقولون ما سويت الحفله في القاعه كل علشان اختك تعزم معازيمه
المهم من اهني كانت بدايه المشاكل معاهم وباختصار راح اتكلم عن اخوي الي ناكر الجميل والمعروف في حق امي واخواتي
تم يدخل البيت من غير ما يكلم امي ولا كلمه معتبره هي والطوفه وحده تمت امي تشكي الحال لنا وكنت انا اكلمه وكان يتكلم معاي ويقول لي عن خطيبته وانا كنت اعطيه راي في المشكله وانصحه ما تتصورون يا اخواتي طلع اخوي اكبر ممثل عالمي كان ينقل كل الكلام حق خطيبته واهله لحد ما ترس قلبهم علينا وبدوا يكرهونه طبعا في ذي الفتره تركنا لحاله ولا كنا نسال عن خطيبته ولا شي
المهم قبل اسبوع سافر شهر العسل من غير ما يسلم على امي ولا على خواته
امي من القهر ما تنام الليل وتدعي عليه من حرقه قلبه رغم ان هو الاخ الوحيد
امي قبل سنه سوت عمليه استئصال رحم يوم طلبنا منه ان يرافقنا ان احنه نوديه برع تتعالج رفض قال ما عندي فلوس ولا عندي اجازه وعقبع بفتره يمكن اقل من شهر طلع اجازه وسافر

اخواتي هاي المشكله باختصار والي عنده حل ياريت ترد علي سواء بالخاص او العام لان كل علشان امي خايفين يصير فيه شي ويكون هو السبب