ارجوقراءة موضوعي : (( خادمتي حيرتني )) ؟؟؟؟؟

اولا السلام عليكم ورحمة الله وبركاته........ثانيا ..اشكر اختي اللي نصحتني بموقع عالم حواء ودلتني عليه ....وبعدين اسمحوا لي اني على طول ادوشكم..بمشكلتي ادري انكم مو ناقصين لكني حابة اسمع رايكم لانه يهمني ....المشكلة ببساطة ...خدامتي واحنا الحريم ورانا غير مشاكل هالخدم الله ياخد غباءهم ....يا جماعة الخير خدامتي صار لها عندي 10اشهر وكانت على رغم غباءهااو تغابيها هادئهالميزة الوحيدة اللي فيها ..لكنها بطيئة لين تخلي الواحد ينقهر ولاتفهم لا في الطباخ ولا النفاخ ودومها مبوزة وتفسر الامور على هواها وشكاكة ..المهم انه بعد العيد الصغير ياها تلفون من قريبة لها تشتغل في نفس الديرة وفي اليوم اللي بعده انقلب حالها وطولت لسانها لكني الحمد لله سيطرت على الوضع...في الشهر الماضي وقبل العيد اختلقت مشكله وتمت تصول وترد بالفا ظ ..المهم ياها تلفون ثاني في العيد الماضي وانا كنت محدوكنا مجتمعين في بيت الاهل ومحوله تلفوني النقال على تلفونهم..بعد مارجعنا للبيت ضربت ابني اللي عمره 10سنين ولما واجهتها باللي صار قامت ترفع صوتها وتقول ااني كدابة ليش ..لاني عطيتها 4ارقام تلفون ..منشان اهلها يتصلون بها ....استغفرت الله وخديت الارقام من معها وقطعتهم ورميتهم في الزباله ...ومن غيظي سحبت منها كل شي عطيتها اياه المهم وانا قاعده في داك الوقت اخد منها الاغراض لاحظت قصاصات ورقية صغيرة سالتها وشو دي قالت مدري اخوي عطاهم لي المهم انا اخدتهم وريتهم حق ريلي اللي بدوره وداهم حق واحد من المشايخ وقاله انهم طلاسم وحروز لانه حضرتها يعلها ما تربح كان هدفها انها تحصل على ريل وتسيطرعلى اهل البيت وبالدات الريال او الولد الكبير ..المهم انا طبعا كنت ابغي اسفر على طول من اول مشكله سوتها لكن بصراحة ما حصلت حجز الا في يومية العيد...وبعدين لما عرفت انه كان مبتغاها...اللي خبرتكم عنه من شوي...عاندت وقلت ما بسفرها ...الا في الوقت اللي يناسبني انا..لانكم تدرون المدارس...باقلها يدوبك شهرين...بالاضافة انه عندي طفل عمره سنه ونصف ....وصراحة عيالي متفوقين ولله الحمد...لكن هالمخلوقه كل يوم تطلع لي بسالفه وعلى فكرة يا حبها حق الهدرة والمناقر وصراحة انا مرات انفعل وايد واحس انه جسمي مو طبيعي...انا آسفه طولت عليكم بالحكي...المهم ايش الراى اللي تنصحوني بيه ..اسفرها الحين ولا انتظر لين تقفل المدارس والعيال يخلصوا امتحاناتهم ...على فكرة تراها من الجنسيه الاندونيسيه...والسلام عليكم ورحمة الله وبركاته......