ارجوكم ابي افضل دكتور نفسي بالريااض لامي وتعالو شوفو قصتها

السلام عليكم

اتمنا ماينقل موضوعي لين ااجد اللي ابيه

اول شي انا بقولكم قصة امي على خفيف ربي يطول بعمرها ويشفيها


امي من عرفت الدنيا وهي مريضه الله ياجرها بس كان خفيف وحالات تجيها

بس من اربع سنوات تعبت بالحييييل لدرجه انها الحين خلاص ملت من الدنيا

فيها ارق وقليل ماتنام دايم تفكر تكره المجتمعات والناس احس احيان ناس تكررهم محددين
مهما فرحناها بشي ماتفرح تقول وبعدين وش يصير تفكر كثيررر
دايم خلقها ضايق وتبكي وطفشانه


برمضان والاعياد تتعب بالحيل


طبعاً وديناها شيوخ وقالو عين قويه
قالو حسد
قالو مس
وشيخ واحد قال سحر مشروب


وديناها مستشفيات وقالو نقص حديد ونقص فيتامينات وكالسيوم



الزبده ماااستفاادت من مراجعه الشيوخ تتحسن ايام وترجع مثل اول

واقول نقطه

ان امي محافظه على الاذكار ولاستغفار
والصلاه في وقتها وتحب الخير وتبادر له
مثل الصدقات
والحمدلله


واخر شي قلت لاخوي ودها دكتور نفسي يمكن حالتها تحتاج طب نفسي
لانها تفكر وتوسوس وافقني الراي بس احترنا بدكتور اي دكتور بنوديها له
طبعا سويت بحث وبحثت لاكن مارسيت ع راي
قلت مالي الا الله ثم اخواتي ف الله هنا بالمنتدى بيدلوني وربي بيااجرهم ان شاء الله

بس فيه شي حيرني المواعيد والحجز
حنا من شمال المملكه ولا اعرف شي عن الطب النفسي وعن دكاترته
يعني لو بتجي الوالده بيكون 1500 كيلو للرياض

اخاف يعطونا موعد بعيد ومواعيد
وانا ابي منكن ياخواتي دعوه حلوه ان الله يشفيها ويهون عليها
وابي منكن دكتور نفسي بالرياض ويكون الدخول عليه على طول لان حالتها الايام ذي وررربي صعبه ومتازززمه حالتها
وصعب يعطينا مواعيد

وابي كل شي عن الدكتور وموقع العياده والارقام


ربي يجزاكن خير ويشفي جميع مرضى المسلمين